Zıka bezgegi 47 memleketke tarady

ASTANA. 3 sáýir. Qaýipti zıka bezgegi álemniń 47 elinde órship tur. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Osyǵan deıin atalǵan epıdemııanyń 43 memleketke taraǵany jóninde aqparat taraǵan. Al osy jyldyń qańtar aıynda elimizdiń tutynýshylar quqyǵyn qorǵaıtyn komıtet Ońtústik Amerıkada taralǵan zıka bezgegine asa saqtyqpen qaraýdy eskertken bolatyn. Aıta keteıik, zıka ásirese, júkti áıelder úshin qaýipti. Júktiliktiń alǵashqy 12-16 aptasynda juqtyrǵan bolashaq anadan mıkrosefalııamen aýyrǵan náreste dúnıege keledi. Mıkrosefalııa sábıdiń bas súıegi men mı qurylysynyń damýyna keri áserin tıgizedi. Bul kezde arnaıy vaksınalar esh kómektespeıdi. Dúnıejúzilik densaýlyq saqtaý uıymy bul indettiń 2015 jyly Brazılııadan taralǵanyn málimdedi. Búginde bul elde 6800-ge jýyq nárestede mıkrosefalııa men nevrologııalyq aýytqýlar baıqalǵan. Osynyń saldarynan 208 sábı shetinep ketti. Aıan Ábdýálı. Derek, foto: RIA «Novostı».