Kabýlda Qazaqstannyń saýda úıi ashyldy

ASTANA. 4 sáýir. Aýǵanstannyń astanasy Kabýl qalasynda Qazaqstannyń saýda úıi ashyldy. Bul týraly egemen.kz tilshisi habarlady. Qazaqstannyń syrtqy saýda palatasynyń habarlaýynsha, aýǵan jerinde alǵash ret ashylyp otyrǵan saýda úıi «Aýǵanstan Ekspo ortalyǵy» saýda-kórme pavılonynyń aýmaǵynda ornalasqan.  Saýda úıi Qazaqstan syrtqy saýda palatasy men elimizdiń Aýǵanstan Islam Respýblıkasyndaǵy  elshiliginiń kómegimen ashyldy. Elimizdiń Aýǵanstan Islam Respýblıkasyndaǵy tótenshe jáne ókiletti elshisi О́mirtaı Bitimov saýda úıiniń kásipkerlerimizdiń óz ónimderin tegin saýdaǵa shyǵarýǵa múmkindik beretinin, eki jaqqa da tıimdi kelisim-sharttar jasap, saýdanyń naǵyz qyzǵan ordasyna aınalatynyn atap ótti.Onyń aıtýynsha,jaqyn arada qazaq kásipkerleri Kabýlǵa kelip, birqatar ekijaqty kezdesýler men bıznes-forýmdar ótkýdi josparlap otyr. Osy jerde Qazaqstannyń Syrtqy saýda palatasy men Aýǵanstannyń Saýda-ónerkásip palatasy arasynda yntymaqtastyq jóninde memorandýmǵa qol qoıylady. Qolda bar derekterge qaraǵanda, qazir eki eldiń arasyndaǵy ekonomıkalyq baılanystar jyl saıyn damyp keledi. Mysaly, byltyr Qazaqstan Aýǵanstannan 3 mln. dollar shamasynda taýarlar ımporttaǵan bolsa, Qazaqstannyń Aýǵanstanǵa eksporty 333 mln. dollarǵa jetken. Bul uzaq jyldar boıy azamattyq soǵystan kóz ashpaı, qolyna qarý ustap, taýly-tasty jerlerde asynǵan qarýyn tastamaı júrgen aýǵan halqy úshin jaqsy kórsetkish.  Eki eldiń aarsyndaǵy saýdada un men munaı ónimderi kóp satylady. Sondyqtan elimizge Aýǵanstan sııaqty munaı shıkizaty men egin alqaby az, taýly-tasty jeri basym elderge arpa, bıdaı men qara altyndy kóbirek satqan jón. Dastan Kenjalın. Derek: Qazaqstannyń Cyrtqy saýda palatasy. Foto: egemen.kz