PETROPAVL. 4 sáýir. Oblys ortalyǵynda ózdiginen jylý retteıtin kabel shyǵaratyn zaýyt otqa oranyp, túgeldeı janyp ketti. Bul týraly Soltústik Qazaqstan oblystyq tótenshe jaǵdaılar jónindegi departamenttiń baspasóz qyzmetine silteme jasaǵan egemen.kz tilshisi habarlady.
TMD boıynsha teńdesi joq jalǵyz kásiporyn Qazaqstan men Germanııanyń birlesken jobasy aıasynda turǵyzylyp, qańtar aıynda iske qosylǵan. Onyń qurylys jumystaryna 600 mıllıon teńge ınvestısııa tartylǵan.
Eki qabatty ǵımarattyń 964 sharshy metri janyp ketkeni belgili bolyp otyr. Tilsiz jaý djıp sheteldik kóligin, Germanııadan ákelingen jartylaı ónimderdi, daıyn shıkizattardy, jumysshy-qyzmetkerlerdiń eńbek kitapshasy sekildi qujattardy jalmaǵan. О́rttiń shyǵý sebebi belgisiz.
«Dıspecherlik qyzmetke habar kesh tústi. Sol sebepti qyzyl jalyndy sóndirý ońaı bolǵan joq. Bul jumysqa bes órt sóndirý bólimi, 71 adam, 15 arnaıy tehnıka jumyldyryldy», - deıdi oblystyq tótenshe jaǵdaılar departamenti memlekettik til jáne aqparat tobynyń bas mamany Evgenıı Jýravlev.
О́mir Esqalı.
Derek, foto: Soltústik Qazaqstan oblystyq tótenshe jaǵdaılar jónindegi departamenttiń baspasóz qyzmeti.
