Aqmola oblysynda 3 aıda 93 qylmys anyqtaldy

AQMOLA. 4 sáýir. Aqmola oblysy boıynsha memlekettik kirister departamentiniń ekonomıkalyq tergeý qyzmeti 2015 jyly aıtarlyqtaı nátıjelerge qol jetkizip, elimizdiń ekonomıkalyq qaýipsizdigin qorǵaýǵa eleýli úles qosty. Bul týraly atalǵan departamenttiń baspasóz qyzmeti «egemen.kz» tilshisine habarlady. О́tken jyly «kóleńkeli» ekonomıka salasynda (jalǵan kásipkerlik, alkogol jáne kontrafaktili ónimderdiń, munaı jáne munaı ónimderiniń zańsyz aınalymy, jalǵan aqsha jasaý, zańsyz oıyn bıznesi, bankrottyq) barlyǵy 357 qylmys, aǵymdaǵy jyldyń ótken merziminde 93 qylmys anyqtaldy. Keltirilen zazal 1 288 106 028 teńgeni qurasa, óndirip alynǵany 528 547 228 teńge (nemese 41 paıyz) bolyp otyr. Sondaı-aq, 74 277 440  teńgeniń múligine tyıym salynǵan. 2015 jylda barlyǵy óndiriste 652 qylmystyq is boldy, 276 qylmystyq is óndirispen aıaqtaldy. Elimizdiń ekonomıkasyna orasan úlken zııan keltirýshi jalǵan kásipkerlik salasy arqyly aqsha aǵymy zańsyz aınalymǵa ótetini belgili. Sol úshin salyq baǵytyndaǵy birneshe qurylymdarmen birlesken, tıimdi qarym-qatynas nátıjesinde 2015 jylda 21 qylmys, 2016 jylda 9 qylmys áshkerlendi. Sonymen qatar, jedel-izdestirý sharalar nátıjesinde jalǵan shot-faktýralardy ázirleýmen aınalysatyn uıymdasqan qylmystyq top anyqtaldy. Qylmyskerler jalǵan shot-faktýralardy berý barysynda, qylmys ústende ustaldy. Bul top 5 adamnan turdy. Qazirgi kezde qylmystyq is óndirispen aıaqtalyp, sotta qaralýda. Keltirilgen zalal somasy 3,6 mldr. teńgeden asady. Ekonomıkalyq tergeýler qyzmetiniń mindeti – bıznes birlestike kedergi týǵyzbaý, kerisinshe, jaýapsyz kásipkerlerdiń zańsyz is-áreketterine jol bermeý. Baqbergen Amalbek. Derek, sýret: oblystyq memlekettik kiris departamentiniń baspasóz qyzmeti.