Qarýly Kúshterde «Batyr arýlar» baıqaýy ótip jatyr

ASTANA. 4 sáýir. «Batyr arýlar – 2016» daýys berý bastaldy. Baıqaýǵa 80 názik jan jaýynger qatysyp jatyr. Bul týraly egemen.kz tilshisi habarlady. Baıqaýdyń alǵashqy 3 kúninde 80 áıel áskerı qyzmetshige 32 myńǵa jýyq daýys berildi. Daýys berý 1 sáýir men 31 mamyr aralyǵynda Qorǵanys mınıstrliginiń mod.gov.kz resmı veb-saıtynda ótedi. Baıqaý taza, ádil ótý bolý úshin árbir saıtqa kirýshi bir ir-adresten bir-aq daýys bere alady. Tańdaý online rejimde ótýde.  Daýystar avtomatty túrde saıttyń web-paraqshasynda kórsetiledi. «Batyr arýlar» baıqaýy Qazaqstandaǵy áıelderdiń áskerı qyzmetin jarııa etý úshin Qorǵanys mınıstrliginiń bastamasymen ótip jatyr. Byltyr alǵash ret ótken baıqaýǵa 123 áıel áskerı qyzmetshi qatysqan bolatyn. Sol kezde kyryq kúnde konkýrsanttarǵa 255 725 daýys berildi. Baıqaý otandastarymyzdyń arasynda ǵana emes, shetelde de qyzyǵýshylyq týǵyzdy. Daýys berýge Reseı, AQSh, Germanııa, Indonezııa jáne Úndistan halqy belsene atsalysty. Nátıjesinde talaı synaqtardan súrinbeı ótip, ózderiniń jaýyngerlik ázirlikterin, shydamdylyqtary men kúsh-jigerlerin dáleldegen 12 jeńimpaz anyqtalyp, Qazaqstan Qarýly Kúshteriniń laıyqty ókilderi ekendikterin dáleldedi. Baıqaýdyń sońynda kásibı stılıster qyzdardy ajarlandyryp, jeńimpazdar fotosessııaǵa qatysty. Dastan Kenjalın. Derek, foto: Qorǵanys mınıstrligi.