Qyzylordada oblystyq prokýratýranyń alqa otyrysy ótti

ASTANA. 4 sáýir. Qyzylorda qalalyq ákimdiginde oblys prokýrory Saparbek Nurpeıisovtiń tóraǵalyq etýimen oblystyq prokýratýranyń kóshpeli alqa otyrysy ótkizildi. Oǵan alqa músheleri, quqyq qorǵaý jáne tıisti memlekettik organdardyń basshylary qatysty. Bul týraly oblystyq prokýratýranyń baspasóz qyzmetine silteme jasaǵan egemen.kz tilshisi habarlady. Prokýratýra organdary da qadaǵalaýdyń barlyq salasynda «múldem tózbeýshilik» qaǵıdasyn qalyptastyrý baǵytyn ustanady. Osy rette, jol qaýipsizdigin qamtamasyz etý salasyna qatysty statıstıkalyq kórsetkishterdiń alańdatarlyq jaǵdaıy eskerilip, prokýratýramen ýákiletti jáne múddeli organdardyń bul baǵyttaǵy is-qımylynyń tıimdiligi men zańdylyǵyna tekserý júrgizip, zańsyzdyqtar men kemshilikterdi anyqtady. Ishki ister organdarynyń jol qaýipsizdigi salasynda qalyptasqan jaǵdaıdy tizgindeýge áli de bolsa qaýqarsyzdyǵy baıqalady. Jaǵdaıdyń osylaısha qylyptasýyna, birinshi kezekte – halyqtyń quqyqtyq sanasyn qalyptastyrý baǵytyndaǵy jumystyń jetkiliksizdigi, bul iske úkimettik emes uıymdar men eriktilerdiń tartylmaýy, profılaktıkalyq sharalardyń tıimsizdigi sebep bolǵan. Ishki ister organdary negizinen – quqyq buzýshylyqty anyqtaý, kinálige aıyppul salý saıasatyn ustanyp keletinin de atap ótý qajet. Oblystaǵy ishki ister organdarymen ústimizdegi jyly 224,6 mln. teńge aıyppul salynsa, halyq sany 4 esege artyq Ońtústik-Qazaqstan oblysynda bir jarym esege kem aıyppul salynyp, sáıkesinshe óndirý kórsetkishi Ońtústik Qazaqstan oblysynda 45,9 paıyzdy qurap, bizde 28,2 paıyzǵa áreń jetken. Respýblıka boıynsha ortasha kórsetkish 34,5 paıyz. Ákimshilik jáne jergilikti polısııa qyzmetteriniń, memlekettik jáne jeke sot oryndaýshylardyń qatysýymen ótkizilgen «Boryshker» is-sharasy barysynda táýligine shamamen 20-25 avtokóliktiń aıyp alańyna qamalǵany, óz kezeginde oblystyq prokýratýranyń bastamasymen uıymdastyrylǵan, nebary 2 saǵatqa sozylǵan reıd barysynda boryshkerlerdiń 20-dan astam avtokóliginiń ustalǵany, atalǵan jumystyń qanaǵattandyrarlyqsyz deńgeıde júrgizilgenin kórsetti. Ishki ister organdarynyń qyzmetkerleri jol júrisiniń ózge qatysýshylaryna úlgi bolýdyń ornyna, 2015-jyly jol júrisi qaǵıdalaryn 108 ret buzsa, aǵymdaǵy jyldyń ózinde 21 fakti tirkelip, onyń 12-i prokýratýra jáne ózindik qaýipsizdik basqarmasy qyzmetkerlerimen birlesip júrgizilgen reıd barysynda anyqtalǵan. Jol qaýipsizdigin qamtamasyz etýge paıdalanylatyn qyzmettik kólikteriniń barlyǵynda derlik alǵashqy medısınalyq kómek qobdıshasyndaǵy dárilik zattardyń túgel bolmaǵanyn atap ótken jón. Jazataıym jol apaty bola qalǵan jaǵdaıda, oqıǵa ornyna birinshi keletin polıseıdiń alǵashqy medısınalyq kómek kórsetýi kúmán týdyrady. Ishki ister departamentimen ınternet jelilerinde kórinis tapqan jol júrisi qaǵıdalaryn buzý faktileri, polısııa qyzmetkerlerine qatysty ornalastyrylǵan jaǵymsyz beınematerıaldar der kezinde zerdelenbeıdi, zańsyzdyqtarǵa jol bergen kyzmetkerler jaýaptylyqqa tartylmaıdy, nátıjesinde quqyq qorǵaý organdarynyń ımıdjine keri áser etetin faktorlardy boldyrmaýǵa jáne olardy joıýǵa baǵyttalǵan sharalar qoldanylmaıdy. Sondaı-aq, oblys ortalyǵy kósheleriniń jol qozǵalysyn retteýge arnalǵan tehnıkalyq quraldarmen qamtamasyz etilý jaǵdaıyn zerdeleýmen, jol belgileriniń beı-bereket, talapqa saı ornatylmaý nemese qajetti jerlerge ornatylmaý faktileri anyqtalǵan. Mysaly, «Turaqtaıtyn jer» jáne «Múgedekter» jol belgilerin qaıtalaý tańbalarynyń óshirilip qalý saldarynan, quqyq buzýshylardy jaýaptylyqqa tartýdy qıyndatady. Osy rette, joly salynbaǵan Momyshuly kóshesi boıynda jol belgileriniń ornatylǵany áleýmettik jelilerde keńinen talqylanǵanyn, tek prokýratýranyń tikeleı aralasýynan keıin negizsiz ornatylǵan jol belgileri alynyp tastaldy. Alqa otyrysynda oblystyń bas prokýrory ishki ister salasy basshylyǵyna jáne polıseılerge quqyq buzýshylyqtyń aldyn alýdy tapsyrdy. Sondaı-aq, jol qaýipsizdigin qamtamasyz etýde muqııat bolýdy, joǵaryda atalǵan kemshilikterdi túzetý kerektigin aıtty. Talǵat Raıymbek. Derek, foto: Qyzylorda oblystyq prokýratýrasynyń baspasóz qyzmeti.