14 jastaǵy oqýshy-polıar ekspedısııasynyń eń jas múshesi

ASTANA. 4 sáýir. Avstralııanyń Melbrýn qalasyndaǵy Djeıd Hemeıster esimdi mektep oqýshysy polıar ekspedısııasynyń eń jas qatysýshysy atanbaqshy. Bul týraly vesti.ru-ǵa silteme jasaǵan egemen.kz habarlady. 14 jastaǵy bozbala soltústik jáne ońtústik polıýsterge, sondaı-aq, Grenlandııaǵa saıahat jasamaqshy. Jasóspirimniń saıahaty bir jyldan astam ýaqytqa sozylady. Eń bastysy ol saıahatqa ákesimen birge shyǵady. Djeıd Hemeıster jáne onyń ákesi Pol saıahat barysynda muz ben qar jastanǵan eki myń kılometr jerdi júrip ótýi tıis. Sondaı-aq, olardyń saıahaty úsh kezeńnen turady. Saıahatshylar aldymen 21 kún soltústik polıýste, 2017 jyldyń sáýir aıynda Grenlandııany basyp ótip, ońtústik polıýske attanady. Aıta keteıik, ákesi men qyzyna soltústik jáne ońtústik polıýsterdi shańǵymen baǵyndyrǵan tuńǵysh avstralııalyq qurmetine ıe bolǵan gıd – Erık Fılıps kómektesedi. Batyl jasóspirimniń ákesi qıyn jaǵdaıda ómirmen kúresken adam. Onyń jeńisteriniń biri – Everestke kóterilý. Al Djeıd bıylǵy jyldyń basynda Jańa Zelandııadaǵy jattyǵý lagerinde krossfıtpen aınalysyp, kúrdeli jaǵdaılarda aman qalý kýrsynan ótip, shańǵy tebýdi de úırengen. Onyń aıtýynsha, saıahatqa shyǵý úshin ol 12 jasynan bastap jattyqqan. Saltanat Júsip. Derek: vesti.ru. Foto: massaget.kz.