«Arlandar» azý kórsetti

О́skemenge «Astana arlandary» kásipqoı boks klýbynyń sheberleri keledi degen jańalyq qala turǵyndaryn bir serpiltip tastady. Jerlesterimiz munyń aldynda Astana, Almaty, Qara­ǵandy, Shymkent jáne Petropavl qalalarynda óner kórsetken bolatyn. О́ńirlerde mundaı mártebeli de dúbirli jarysty ótkizýdiń tárbıelik máni bar ekeni aıtpasa da túsinikti. Altaı aıasynda «Astana arlandary» «Azgen jolbarystary» komandasymen kezdesti. Shaıqas «Jekpe-jek» saraıynda ótti. Ony eki myńnan astam jankúıer tamashalady. Týrnırdiń basynda júrgizýshi qazaqstandyq boksshy Zakır Safıýllınniń (60 kg) otbasy jaǵdaıyna baılanysty keshe shuǵyl túrde Shymkentke ushyp ketkenin, sondyqtan ózbekterdiń 1:0 esebimen alǵa shyqqanyn habarlady. Zakırdiń qarsylasy О́zbekstanda turatyn qazaq jigiti Elnur Abdýraıymov bolatyn. 52 kıloda synǵa túsken Azat Mahmetov qarsylasy Abrorjan Qadyrovty qýyp júrip sabady desek, jón bolar. Alǵashqy raýndtan bastap soqqylaryn údete túsken. Azat aıqyn basym­dyq­pen jeńisti julyp aldy. Sonymen, esep 1:1. Budan keıin 69 kıloǵa deıingi salmaqta As­lan­bek Shym­bergenov qarsy­lasy Mahmýd Gaı­povti aıqyn ba­symdyqpen utty. Jasyratyny joq, 81 kılodaǵy Arman Rysbek rıngke shyqqanda qobaljydyq. Sebebi, qarsylasy Shýhrat Abdýllaevqa qaraǵanda onyń dene bitimi qorashtaý kó­rindi. Onyń ústine bir kún bu­ryn baspasóz máslıhatynda Ar­man­nan basym túsemin degen bolatyn. Alaıda, Arman er eken. Rıngte qaıtpaı shaıqasqan jigitimiz osylaı taǵy bir jeńisti ákeldi. Ol komandanyń jeńisin de aıqyndap berdi. Al sońynan sharshy alańǵa shyqqan aýyr salmaqtaǵy Qamshybek Qońqabaev biraz ataǵy bar Mırzohıdjon Abýllaevty ersili-qarsyly soq­qylady. Munyń sońy onyń tolassyz jeńisine negiz boldy. Sóıtip, О́skemendegi saıys qyzyqty ári tartysty ótti. Qaladaǵy boks súıer qaýym osy sport keshin uıymdas­tyrý­shylarǵa alǵysyn aıtty. Ońdasyn ELÝBAI, jýrnalıst. Sýret avtordiki.