Shekaradaǵy úı

О́mir boıy gaz sharýashy­ly­ǵynda jumys istegen Vladımır Fedorchenko ózi turatyn Taraz qalasynyń irgesindegi Báıterek aýylyndaǵy osy mekeme úıin je­keshelendirý naýqany kezinde óziniń atyna aýdaryp alǵysy ke­ledi. Buǵan gaz sharýashylyǵynyń basshylary da qarsy bolmaıdy. Biraq, «qyrsyq shalǵanda, qymyran irıdi» degen, keıinirek bul úıdiń kórshi qyrǵyz elimen aradaǵy shekara syzyǵynda jatqany belgili bolypty. Sóı­tip, turatyn úı men aýyl arasyn eki eldiń shekarashylary eki jaqqa bólip tas­taıdy. Qazir ol úıinen shyǵyp, jaqyn mańdaǵy aýylyna barý úshin shekarashylardyń ruqsatyn alyp, arnaıy qaldyrylǵan jolmen júrip-turady. Shekarashylar bólimshesiniń basshysy bul azamattyń basyndaǵy jaǵdaıdy túsinip, týra úıdiń ústinen ótýi tıis shekara syzyǵyn ýaqytsha ózgertip otyr. Osy sátti paıdalanǵysy kel­gen V.Fedorchenko taǵy da je­keshelendirý isine kiriskenimen, joly bolmady. О́ıtkeni, bul jer UQK-ǵa tıesili aýmaqqa jata­tyn­dyqtan, jekeshelendirý múldem múmkin emes eken. – Sońǵy eki jyldan beri bizdi bul másele boıynsha esh­kim ma­zalaǵan joq, – deıdi Vladı­mır Fe­dorchenko. – Biraq jekeshelendirý naýqany ótkennen keıin bizdiń úıimizdi traktormen syryp tastaýy múmkin. Sonda biz dalada qalamyz ba? Sondyqtan, Jambyl oblysy ákimdigi osy máseleden shyǵatyn jol taýyp, bizge kómek qolyn soz­sa, durys bolar edi... Oralhan DÁÝIT, «Egemen Qazaqstan». Jambyl oblysy.