О́ńirlik habtyń ónegeli isteri

Astanadaǵy memlekettik qyzmet salasyndaǵy óńirlik hab pen Ekonomıkalyq y­n­ty­maqtastyq jáne damý uıy­my (EYDU) arasynda ynty­maqtastyq týraly resmı hat almasý rásimi boldy. Uıym­dar «Kásibı memlekettik qyz­met turaqty damý maq­sa­tynda: EYDU standarttary men qaǵıdattaryn habtyń ekonomıkasy qalyptasý ústin­degi qatysýshy elder arasynda paıdalanýǵa qoldaý kórsetý» atty semınar ótkizdi. Rásimniń sońynda EYDU memlekettik basqarý jáne óńirlik damý máseleleri bo­ıynsha dırektory Rolf Al­ter men memlekettik qyz­met­ salasyndaǵy óńirlik hab­ basqarýshy komıtet tór­aǵa­­sy Álıhan Baımenov EYDU-ǵa múshe memleketter tá­ji­rıbesiniń hab qatysýshy el­der­diń memlekettik qyz­metin je­tildirýdegi mańyzyn atap ótti. Osy kúngi sharalar bary­synda Astanadaǵy memlekettik qyzmet salasyndaǵy óńirlik hab basqarýshy komıtet tór­aǵasy Álıhan Baımenov pen memlekettik basqarý bo­ıyn­­sha Amerıka qoǵamynyń (ASPA) atqarýshy dırektory Ýılıam Shılds ózara túsinis­tik pen yntymaqtastyq týra­ly memorandýmǵa qol qoıdy. – Búgin birqatar ynty­maq­tastyq qujatyna qol qoı­dyq. Ekonomıkalyq yn­ty­maqtastyq jáne damý uıy­mymen yntymaqtastyq jónin­degi hatpen almastyq. Bul uıym álemdegi eń damyǵan 34 mem­leketti qamtıdy. Son­dyq­tan bul elderdiń táji­rıbesi qaı memleket úshin bolsa da mańyzdy, – dedi Álıhan Baımenov. Sondaı-aq, Astanada otyzdan astam el ókilderiniń qatysýymen memlekettik qyz­­metti jetildirýdegi árip­testikti nyǵaıtý máselelerin qaraǵan jıyn boldy. Onyń aıasynda memlekettik qyzmet salasyndaǵy óńirlik habtyń «Sapaly memlekettik qyz­met maqsatyndaǵy árip­testik» atty konferensııasy ótti. Jıynda Astanadaǵy mem­lekettik qyzmet salasyndaǵy óńirlik hab basqarýshy ko­mıteti tóraǵasy Álıhan Baı­menov, BUU turaqty úı­les­tirýshisi jáne BUU «Damý» baǵdarlamasynyń turaqty ókili Norımasa Shımomýra, Memlekettik qyzmet isteri mınıstri Talǵat Donaqov jáne Eýropalyq Odaq Qa­zaq­­standaǵy ókildiginiń bas­shysy Traıan Hrıstea sóz sóı­ledi. Konferensııa ju­mysyna 30-dan astam el ókilderi, onyń ishinde memlekettik bas­qarý boıynsha amerıkalyq qo­ǵamdastyq (ASPA) atqarý­shy dırektory Ýılıam P.Shılds, sybaılasqan jem­qor­­lyqqa qarsy Eýropa ke­ńe­si memleketteri toby (GREKO) tóraǵasy Drago Kosh, Sın­gapýrdaǵy memlekettik qyzmetti jetildirý jónindegi BUU «Damý» baǵdarlamasy ǵa­lamdyq ortalyǵynyń dırek­tory Maks Everest-Fıllıps jáne Qytaı memlekettik bas­qarý akademııasynyń qurmetti professory Son Shımın qa­tysty. Jıyn barysynda qaty­sý­shylar memlekettik qyzmetti jetildirý boıynsha pikirlesip, tájirıbe almasty, aımaqtyq áriptestikti nyǵaıtý jáne sarap­shylar jelisin damytý joldaryn talqylady. Sonymen birge, óńirlik habqa múshe el­der ókiletti organdardyń je­tekshileri: Grýzııa memlekettik qyzmet bıýrosy dırektory Ekaterına Kardava, Ýkraına memlekettik qyzmet boıynsha ulttyq agenttik jetekshisi Kostıantın Vashenko, Polsha premer-mınıstri keńesshisi Kshıshtof Banas, Mońǵolııa azamattyq qyzmet keńesi turaq­ty ókili Khadkhý Togmıda, Armenııa azamattyq keńes tór­aǵasy Manvel Badalıan mem­lekettik qyzmettegi áriptestikti damytý jónindegi oılaryn or­taǵa saldy. Aıan ÁBDÝÁLI, «Egemen Qazaqstan».