Depýtattar kitaphanamen tanysty

Qazaqstan Respýblıkasy Parlamenti Májilisiniń altynshy shaqyrylymǵa saılanǵan depýtattary Vıse-spıker Vladımır Bojkonyń  basshylyǵymen kitaphanada bastalǵan «Ashyq esik» kúnine qatysty, dep habarlady Májilistiń baspasóz qyzmeti. Depýtattardy Apparattyń  aqparattyq-taldaý bóliminiń meńgerýshisi Janna Qurman­ǵalıeva men sektor meńgerýshisi Qanat Qudaıbergenov aqparattyq qorlarmen jáne kórmelermen tanystyrdy. Álemde kóptegen elderdiń parlamentteriniń janynan Ult­­­­­tyq kitaphanalar jasaq­talǵan. Qazaqstan Respýblıkasy Parlamentiniń janynda da osyndaı kitaphana qurylǵan. Onyń jalpy kitap qorynda 46 myńnan astam birlik, onyń ishinde 26 myń kitap jáne 227 merzimdi basylym bar. Kitaphana jumysynda dástúrli  ádisimen birge ártúrli  jańa aqparattyq tehnologııalar keńinen qoldanylady. Parlament kitaphanasy pa­latalardyń zań shyǵarý qyz­­­metin qamtamasyz etý máselelerine, talqylanatyn zań jobalaryna, parlamenttik tyń­daýlarǵa jáne Parlament ótkizetin shara­larǵa bıblıo­grafııalyq jáne anyqtamalyq-aqparattyq materıaldar daıyn­daýǵa erekshe kóńil bóledi. Par­lament palatalarynyń komı­tetterimen jáne apparat­tarynyń bólim­derimen tyǵyz yn­­ty­maqtastyqta jumys jasaıdy. Parlament kitaphanasy Qazaq KSR Joǵarǵy Keńesi­niń Aqparattyq-taldaý orta­lyǵynyń quramdas bóligi retinde 1987 jyly quryldy. Orta­lyqtyń negizgi mindeti eldegi joǵarǵy ókildi organnyń qyz­metin aqparattyq-anyqta­malyq, taldamalyq jəne kitap­hanalyq-bıblıografııalyq ja­ǵy­nan qam­tamasyz etý bolyp tabylady. Qazirgi ýa­qytta kitaphana Qazaqstan Respýblıkasy Par­lamenti Məjilisi Ap­paratynyń aqparattyq-taldaý bóliminiń quramynda jumys isteıdi. Parlament kitaphanasy Qa­zaqstannyń kóptegen kitap­hana­­larymen jəne ózge de mem­lekettik jəne jekeshe aqparattyq qurylymdarmen tyǵyz baılanys ornatqan. Kitaphana halyqaralyq aq­parat almasý sheńberinde Reseı Federasııasy Memlekettik Dýmasynyń parlamenttik kitaphanasymen, Reseı Ǵylym akademııasynyń Memleket jəne quqyq ınstıtýtymen, Reseı Úkimeti janyndaǵy Zańnama jəne salystyrmaly quqyqtaný ınstıtýtymen yntymaqtasyp otyr, sondaı-aq, ol TMD-nyń birqatar elderiniń parlamenttik kitaphanalarymen iskerlik baılanysqa ıe.