Atom energetıkasy jónindegi halyqaralyq agenttiktiń (MAGATE) MÁLIMDEMESI

Atom energetıkasy jónindegi halyqaralyq agenttiktiń (MAGATE) Qazaqstan aýmaǵyndaǵy Tómen baıytylǵan ýran bankine qatysty AQSh, BAÁ, Germanııa, Japonııa, Iordanııa, Qazaqstan, Kanada, Qytaı, Ispanııa, Majarstan, Norvegııa, Ońtústik Koreıa, Ulybrıtanııa, Fılıppın, Fınlıandııa, Fransııa, Chehııa jáne Shvesııa kóshbasshylarynyń birlesken

MÁLIMDEMESI

Otyn sıklynyń bastapqy kezeńinde múshe memleketterge qosymsha kepildikter berýge arnalǵan ıadrolyq otyn jetkizýdi qamtamasyz etý tetikteriniń biri retinde Tómen baıytylǵan ýran (TBÝ) bankin qurýdyń mańyzdylyǵyn ataı otyryp; Atom energııasy jónindegi halyqaralyq agent­tiktiń (AEHA) Qazaqstanda AEHA-nyń TBÝ bankin qurýdaǵy asa mańyzdy kúsh-jigerin ataı otyryp; Qazaqstannyń ıadrolyq qarýdy taratpaýǵa jáne halyqaralyq beıbitshilikke qatysty keremet qyzmetter atqarǵanyn ataı otyryp; Barlyq donorlardyń – «Iаdrolyq qaýip-qaterdi azaıtý jónindegi bastamanyń», Amerıka Qurama Shtattarynyń, Eýropalyq Odaqtyń, Qazaqstannyń, Kýveıttiń, Norvegııanyń, Birikken Arab Ámirlikteriniń jáne Dúnıejúzilik ıadrolyq tasymaldaý ınstıtýty Atom energetıkasy jónindegi halyqaralyq agenttiginiń TBÝ bankine eleýli qarjylyq jarna qosqanyn ataı otyryp; Vashıngtonda Iаdrolyq qaýipsizdik jónindegi 4-shi sammıtke baılanysty jınalǵan AQSh-tyń, BAÁ-niń, Germanııanyń, Japonııanyń, Iordanııanyń, Ispanııanyń, Qazaqstannyń, Kanadanyń, Qytaıdyń, Majarstannyń, Norvegııanyń, Ońtústik Koreıanyń, Ulybrıtanııanyń, Fılıppınniń, Fınlıandııanyń, Fransııanyń, Chehııanyń jáne Shvesııanyń kóshbasshylary tómendegideı málimdemeni qoldaıdy:

• Atom energetıkasy jónindegi halyqaralyq agenttiktiń TBÝ banki – ashyq naryq nemese tómen baıytylǵan ýran jetkizýdiń ózge de tetikteri turaqsyzdanǵan jaǵdaıda elderge ıadrolyq otyn jetkizý kepildigin qamtamasyz etý jónindegi jahandyq kúsh-jigerdiń bir nátıjesi ekenin atap ótkimiz keledi;
• ótken birneshe aı ishinde Atom energetıkasy jónindegi halyqaralyq agenttiktiń TBÝ bankin qurýǵa qatysty eleýli ilgerileýge qol jetkizilgenin, sonyń ishinde:

– 2015 jylǵy maýsym aıynda Atom energetıkasy jónindegi halyqaralyq agenttik pen Reseı Federasııasy arasyndaǵy AEHA tómen baıytylǵan ýranyn jáne jabdyqtardy Reseı aýmaǵy arqyly AEHA TBÝ bankine jáne odan keri tranzıt boıynsha ótkizý týraly kelisimge qol qoıylǵanyn; – 2015 jylǵy 27 tamyzda Qazaqstannyń Syrtqy ister mınıstri E.Ydyrysov jáne AEHA Bas dırektory Iý.Amano arasynda AEHA TBÝ bankin qurý týraly eldik kelisimge qol qoıylǵanyn atap ótemiz. Atom energetıkasy jónindegi halyqaralyq agenttiktiń Tómen baıytylǵan ýran bankin qurý jónindegi quqyqtyq máseleler Qazaqstan tarapynan tolyq sheshim tapqanyn rastaımyz jáne ony keń aýqymdy júzege asyrý isine kirisemiz dep úmittenemiz. Atom energetıkasy jónindegi halyqaralyq agenttiktiń Tómen baıytylǵan ýran banki óz qyzmetin qaýipsizdik pen senimdilik jaǵdaıynda júzege asyrady dep úmittenemiz.