AQTAÝ. 5 sáýir. Aqtaýda jantúrshigerlik qylmystyq oqıǵa oryn aldy. Bul týraly lada.kz-ke silteme jasaǵan egemen.kz tilshisi habarlady.
Oqıǵa 4 sáýir kúni keshke taman Aqtaý qalasynyń 11 shaǵyn aýdanynda oryn alǵan. Turǵyndardyń aıtýynsha, №31 úıdiń aýlasynan bireýler pyshaqtap ketken er adamdy kórgen. Al sol sátte kórshi №30 úıdiń kireberisinen es-tússiz jatqan taǵy bir er adam tabylǵan.
Oqıǵa ornyna kelgen dárigerler 1991 jyly týǵan jas jigitti pyshaq jaraqatymen aýrýhanaǵa jetkizdi. Sondaı-aq, oq tıgen jigit oqıǵa ornynda qaıtys boldy.
Kýágerler myltyqtyń daýysyna uqsas oqys daýysty estigenin, terezeden qaraǵanda qan-josa bolyp jatqan jigitti kórgenderin aıtýda. Qazirgi ýaqytta polıseıler, krımınalıster jáne prokýratýra qyzmetkerleri oqıǵanyń mán-jaıyn anyqtaýda.
Gúlaıym Shyntemirqyzy.
Derek, sýret: lada.kz.
