«QazMunaıGazdyń» jańa baǵyty aıqyndaldy

Jaqynda Astana qalasynda «QazMunaıGaz» UK» AQ-ta QMG transformasııasy baǵdarlamasynyń «Dıagnostıka jáne Dızaın» 1-kezeńiniń jabylýyna arnalǵan aqparat kúni ótti. Is-sharaǵa «Samuryq-Qazyna» AQ basqarma tóraǵasy О́mirzaq Shókeev, «QazMunaıGaz» UK» AQ basqarma tóraǵasy Saýat Myńbaev, «Samuryq-Qazyna» AQ transformasııa jáne arnaıy jobalar jónindegi basqarýshy dırektory Adamas Ilkıavıchýs, QMG basqarma tóraǵasynyń ón­diristik áleýetti damytý jónin­degi orynbasary – «QMG Global Solıýshns B.V.» QR-daǵy JShKF bas dırektory Gleb Lıýksembýrg, ulttyq kompanııa korporatıvtik ortalyǵynyń, munaı barlaý, óndirý, óńdeý jáne marketıngi boıynsha enshiles uıymdardyń, QMG jáne «Samuryq-Qazyna» trans­formasııa komandalarynyń basqa da basshylary men qyz­metkerleri qatysty. Jıyn barysynda О́mirzaq Shókeev qor jáne jalpy Qa­zaq­standaǵy transformasııa baǵ­dar­­la­masynyń máni, «Samuryq-Qazyna» AQ kompanııalar to­by­nyń nátıjeleri men josparlary, QMG-nyń transformasııa boıynsha birlesken jobalaryn iske asyrýdaǵy úlesi jaıynda baıandady. Ol óz sózinde: QMG iri otandyq kompanııalardyń biri. Jalpy, elimizdiń aldyńǵy qa­tar­ly otyz eldiń qataryna enýi úshin asa mańyzdy nátıjelilikti, aıqyndyqty jáne básekege qabi­lettilikti jańa deńgeıge kóterý týraly máseleni Elbasy­nyń ózi al­dymyzǵa mindet etip qoıyp otyr. Damyǵan elderdiń osy klýbynda óndirilgen taýarlar men kórsetilgen qyz­mettiń kólemi emes, olardyń ózindik quny jetistikterdi aıqyndaýshy faktor bolyp tabylady. Bul ulttyq kompanııalar da, memlekettik uıymdar da osy qatardan tabylýy tıis degenge meńzeıdi. Jaqynda ǵana «QazMunaıGazdyń» strategııasy bekitildi, dedi. Bul vertıkaldy yqpaldasqan model, tek qana TMD naryǵynyń kóleminde ǵana emes, búkil álem­de de básekege qabiletti kom­pa­nııa bolmaq. Strategııadan ke­ıin onyń operasııalyq modeli anyqtalatyny jóninde toqtaldy. Sonymen qatar, О́mirzaq Shókeev óz sózinde «Biz transformasııa tý­raly aıtqanymyzda, transformasııa degenimiz tek teorııalyq boljam nemese jaı saraptama dep eseptegender boldy. Shyn máninde bul olaı emes. Osynyń bári tájirıbelik áreketterge ke­lip toǵysady. QMG-nyń tájirıbelik áreketi búginnen bastalady. Trans­for­masııa kompanııaǵa jańa sapa usynady. Qarapaıym tilmen aıtqanda, transformasııa degenimiz naryqtaǵy ózgeristerdi baıqaý, aldyn ala kóre bilý jáne der kezinde sáıkestendirý, túsiný jáne qurylymmen ózgerý bolyp tabylady. Kompanııalarǵa naryq barysyna ýaqytynda beıimdelip otyrý úshin sapalyq jaǵynan ózgeristerdi turaqty júzege asyryp otyrý» mańyzdy ekenin atap ótti. Aqparat kúni barysynda 1-ke­zeń­niń qorytyndysy shy­ǵaryldy jáne 1.2-«Oqshaýlaý» kezeńiniń jospary talqylandy. Saýat Myńbaev kirispe sózinde aıtyp ketkendeı, syrtqy faktorlar «QazMunaıGaz»-ǵa keri áserin tıgizedi. Jańa jaǵdaıda sátti jumys júrgizý úshin júıe­li ózgerister engizý qajet. Trans­formasııanyń alǵashqy jyly QMG-nyń qazirgi ahýalyn, múm­kindikteri men áleýetin shyna­ıy baǵalaýǵa múmkindik berdi. Bú­gingi tańda kompanııanyń jańa operasııalyq modeliniń jarǵysy daıyndaldy. Osyǵan sáıkes, «QazMunaıGaz» aktıvterdi Dı­rektorlar keńesi arqyly bas­qa­ratyn portfeldik ınves­tor­lar jarǵysynan bas tartyp, ón­diristik aktıvter arqyly bel­sen­di operasııalyq basqarýǵa kóshýi tıis. QMG basshysynyń sózine qara­ǵanda, basqarý deńgeıleriniń sanyn qysqartý kerek. Olardyń qazirgi sany – 9. Ońtaılandyrý arqyly olardyń sanyn ekeýge deıin túsirý oıda bar. So­ny­men qatar, QMG-nyń jańa operasııalyq modeli, qoldaýshy prosester retinde, birinshi kezekte aqparattyq tehnologııa, al bolashaqta býhgalterııa men qar­jy mekemelerin jáne t.b. jeke bólip Qyzmet kórsetýdiń jalpy ortalyǵyn qurý kózdelip otyr. Sóziniń sońynda Saýat Myńbaev ja­ńa operasııalyq mo­deldiń «QazMunaıGaz» jumy­sy­nyń qabyldanǵan sheshimderdiń oryndalýyn jedeldetip, nátıje­sin arttyratynyna senim bildirdi. Jobalyq komandanyń bi­rin­shi kezeńdegi jumysyn qo­ry­tyndylaǵan Gleb Lıýk­sem­berg: «Transformasııa – «Qaz­MunaıGaz» júıesiniń barlyq deńgeılerindegi júıeli qaıta qu­rýdyń uzaq merzimdi jobasy, ol sáttik qana nátıjege ba­ǵyttalmaǵan. Qurylymnyń bar­lyq kezeńderine arnalǵan júıeli ózgeristerdiń uzaq mer­zimdi jobasy ekenin jáne onyń bir ýaqytta nátıjelerge jetýge baǵyttalmaǵandyǵyn atap ót­ti. Transformasııanyń kelesi sa­ty­larynyń aıasyndaǵy keıbir bıznes-úderis ózgeristerin júzege asyrý úshin birneshe jyl kerek bolýy da múmkin. Esesine bul kompanııa qyzmetin jetildirýge naqty jumys isteıtin bolady», dedi. Jıyn sońynda birinshi ke­zeńdi júzege asyrýda erekshe kóz­ge túsken QMG transforma­sııa baǵ­dar­lamasynyń bas de­meý­shileri «QazMunaıGaz», «Samuryq-Qazyna» transformasııa komandalary men enshiles uıymdar­dyń eń tańdaýly ókil­derin Saýat Myńbaev pen Gleb Lıýksemberg bir­neshe nomınasııalar boıynsha sal­tanatty jaǵ­daıda marapattady. Sáıkes nomınasııalardaǵy jeńimpazdar jalpy jasyryn daýys berý qorytyndysy bo­ıynsha anyqtaldy. Atap aıtqanda, marapattarǵa «Transformasııa maqsattaryn ilgeriletýde kór­setken kóshbasshylyǵy úshin» qurmetine «QazMunaıGaz» UK» AQ basqarma tóraǵasynyń kor­poratıvtik damý jónindegi oryn­­­basary Danııar Berlibaev, «QazMunaıGaz» Barlaý О́ndirý» AQ bas dırektory Qurmanǵazy Esqazıev jáne «QazMunaıGaz-óńdeý jáne marketıng» bas dırek­tory Danııar Tıesov ıe boldy. «KMG Global Solıýshns B.V.» QR JShKF – «QazMunaıGaz» UK» AQ-tyń QMG transforma­sııa baǵdarlamasyn júzege asyrý­men aınalysatyn enshiles uıymy. Ol «QazMunaıGaz» kompanııalar tobynyń úzdik mamandarynan, sondaı-aq, iri halyqaralyq munaı jáne gaz jobalaryna qatysýshy sheteldik sarapshylardan quralǵan. Aıan ÁBDÝÁLI, «Egemen Qazaqstan».