QOSTANAI. 12 sáýir. Qostanaıda asa shýly «úlken ákimdik isi» aıaqtalyp, kináliler jazasyn aldy. Olar 14 jyl, sońy 4 jyl bas bostandyǵynan aıyryldy. Bul týraly ng.kz-ke silteme jasaǵan egemen.kz tilshisi habarlady.
Sýdıa Erlik Seralın Qostanaı qalasynyń burynǵy ákimi Ahmedbek Ahmetjanovty 13 bas bostandyǵynan aıyrýǵa jáne múlkin tárkileýge úkim shyǵardy. Sonymen qatar endi ol memlekettik qyzmettiń mańaıynan júrmeıtin bolady. Burynǵy ákim jazasyn qatań rejımdegi kolonııada óteıdi. Qala ákiminiń burynǵy orynbasary Maqsut Qalıev te tordyń arǵy jaǵynda, jalpy rejımdegi kolonııada 4 jyl otyratyn bolady Sondaı-aq, onyń da múlki tárkilenip, memlekettik qyzmetten alastatyldy.
«Úlken ákimdik isiniń» basqa qatysýshylary Leonıd Vasılev 14 jylǵa, Sergeı Bektibaev 11 jylǵa, Gagık Ovnanıan 10 jylǵa sottaldy.
Eske sala ketsek, bul toptyń barlyǵyna da bıýdjet qarjysyn jymqyrdy degen aıyp taǵyldy. Burynǵy qala basshysy Ahmedbek Ahmetjanov ótken jyldyń 8 qyrkúıeginde ustalǵan bolatyn. Ol tender ótkizýde laýazymdyq qyzmetin asyra paıdalanyp, «Stroımetservıs-2007» qurylys fırmasynyń múddesin oılaǵan. Memleketke 67,5 mıllıon teńge zalal keltirgen.
Sýdıa Erlik Seralın sot májilisinen keıin jýrnalısterge baspasóz máslıhatyn ótkizdi. Onda ol jýrnalısterden túsken «Vasılevke bergen jaza nege prokýror suraǵandaı 12 jyl emes, 14 jyl, Qostanaı qalasynyń burynǵy ákimi Ahmetjanovqa kesken jazadan qatań boldy?» degen alǵashqy suraqqa jaýap berdi.
Qostanaı qalalyq sotynyń sýdıasy Erlik Seralın: «Vasılevke mundaı qatań jaza onyń osy iste tym belsendi bolǵany úshin berildi. Para berý júıesinde ol tym belsendi is atqarǵan. Kásipkerlerge ózi telefon shalyp, tenderdiń 10 paıyzyn qoqan-loqqy kórsetip alyp, kóp bóligin ózine tastap otyrdy. Ol laýazym ıelerin arqalandy, onyń ishinde Qostanaı oblysynyń burynǵy ákimi Sádýaqasov ta bar», – dedi.
Názıra Járimbetova
Derek, foto: ng.kz.
