Áriptestik arqaýy

Oblys ákimi Berdibek Sapar­baev Astana qalasyndaǵy «Ult­tyq ǵylymı medısınalyq ortalyq» AQ basqarma tóraǵasy, medısına ǵylymdarynyń doktory Abaı Baıgenjın bastaǵan ǵalym-dárigerlermen kezdesti. О́tken jyly elimizde «Salamatty Qazaqstan» memlekettik baǵ­dar­lamasyn júzege asyrý qo­rytyndylanyp, sonyń ná­tı­jesinde taıaýdaǵy tórt jyl­ǵa arnalǵan «Densaýlyq» baǵ­darlamasy qabyldanǵany belgili. О́ńir basshysy osy baǵdarlama aıasynda oblysta «Aqtóbe Me­dıkal Sentr» medısınalyq klas­teri qurylatynyn, onyń elimizdiń batys aýmaǵyn medısınalyq qyzmetpen tolyq qamtamasyz etýge múmkindik be­retinin jet­kizdi. Túrik ınvestorynyń aımaq­tyń medısınalyq jedel járdem kómegin damytýǵa 5,5 mıllıard teńge salýdy josparlap otyr­ǵanyn aıtý oryndy. Bul qarjyǵa tolyq jaraqtandyrylǵan bas beket salynady, 35 sý jańa reanımobıl jetkiziledi jáne biryńǵaı dıspetcherlik qyzmet qurylady. Budan basqa, jedel járdem mashınasyn jınaıtyn zaýyt salynady, qaterli isik aýrýlary úshin dáriler óndirisi jolǵa qoıylady dep kútilýde. Oblys ákimi memleket jáne jekemenshik áriptestigi aıasyn­da «Darý» klınıkasynda qalyp­qa keltirý jáne saýyqtyrý kó­mekteri kórsetiletinin jetkizdi.Aýrýlardy anyqtaý jáne emdeý úshin tıimdi zerthanalyq qyzmet qurylatynyn, medısınalyq klas­ter aıasynda oblystyń bar­lyq medısınalyq mekemeleri bolashaqta tıisti baǵyttar boıynsha qaıta mamandanatynyn atap ótti. О́z kezeginde «Ulttyq ǵyly­mı medısınalyq ortalyq» AQ basqarma tóraǵasy Abaı Baı­genjın eki kún ishinde delegasııa músheleri birqatar medısınalyq mekemelerde bolǵanyn, olardyń materıaldyq-tehnıkalyq bazalaryna jáne kadrlyq quramyna tánti bolǵanyn aıtty. Ol oblys­taǵy osyndaı múmkindik bola tura, oblystyń júrek-qan tamyrlary aýrýlary boıynsha sońǵy oryndarda kele jatqanyn da jasyrmady. Emdeý mekemelerindegi osy zamanǵy ozyq medısınalyq qondyrǵylardy tolyq qýatynda paıdalaný, ota jasaýdyń nor­matıvtik ólshemderin saqtaý máselelerin qozǵady. Oblystyń densaýlyq salasymen baılanys­ty alda da nyǵaıta túsetinderin aıta kelip, aldaǵy ýaqytta osyn­da sheberlik klastaryn ótki­zetinderin, skrınıng júr­giziletinin, tez medısınalyq kó­mek­ti qajet etetin júrek-qan tamyr­lary aýrýlarymen aýy­ratyndardy ózderinde emdeıtinderin jetkizdi. Sonyń bári jergilikti bıýdjetke salmaq túsirmeı, óz qarjylaryna júr­giziletinin atap ótti. Kezdesý sońynda oblystyq densaýlyq saqtaý basqarmasy men «Ult­tyq medısınalyq ortalyq» AQ arasynda ózara áriptestik týraly memorandýmǵa qol qoıyldy. Satybaldy SÁÝIRBAI, «Egemen Qazaqstan» Aqtóbe oblysy