Sharyqta, shyrqa, jas daýys!

Álııa Nazarbaevanyń «Bala daýysy» ulttyq balalar án baıqaýy ótedi 17 sáýirden bastap Álııa Nazarbaevanyń «Jandaný álemi» qorynyń  www.zhandanu.com resmı ǵalamtor portalynda, Qazaqstan Respýblıkasy Táýelsizdiginiń 25 jyldyǵyna oraılastyrylǵan «Bala daýysy» ulttyq balalar án baıqaýyna qatysamyn deýshilerdi onlaın tirkelý ashyldy. Qazaqstan Respýblıkasynyń Tuńǵysh Prezıdenti – Elbasynyń qory bıylǵy resmı áriptesi bolyp tabylatyn Baıqaýdyń bas­ty maqsaty – bizdiń elimizde tu­ratyn halyqtardyń tilderinde jańa balalar ánderin shyǵaryp, olardy keńinen taratý arqyly balalardyń mýzykalyq shyǵar­mashylyǵyn damytý, sonymen qatar, bilim berý uıymdarynyń pedagogtaryna ádistemelik kómek kórsetý. 23 mamyr men 10 tamyz araly­ǵyndaǵy kezeń ishinde Qordyń  belgili mýzykalyq prodıýserlerden, kom­pozıtorlar men tanymal oryndaýshylardan turatyn shyǵarmashylyq ujymy 7 jas pen 13 jas aralyǵyndaǵy balalardyń arasynda kastıng ótkizý úshin respýblıkanyń barlyq derlik oblys ortalyqtaryna barady. Tyńdaýǵa kelgen árbir bala estelik syılyqtar alyp, dıp­lomdarmen marapattalady, al eń jarqyn da tolǵanysty sát­ter «Bala daýysynyń» resmı áriptesi-KTK arnasyndaǵy te­levızııalyq baǵdarlamalarda kórsetiledi. Qordyń osy jańa jobasynyń basty ereksheligi – onyń áleýmettik baǵyt-baǵdary: kastıng ótkiziletin kúnderi bar­lyq mýzyka men án pánderiniń muǵalimderine arnalǵan tegin oqytý semınarlary men vokaldyq sheberlik, balalardy baıqaýlarǵa daıyndaý ádistemesi jónindegi sheberlik synyptary ótkiziledi, al ata-analary balalardyń shy­ǵar­mashylyq qabiletterin ashý men damytýǵa qatysty balalar psıhologtarynan konsýltasııalar alady. Irikteý týrlarynyń qory­tyn­dysy boıynsha árbir oblys­tan 16 eń úzdik balalar daýysy anyqtalyp, olar Jazǵy mý­zy­ka mektebine shaqyrtý alady. 2 apta boıyna balalar solfedjıo, horeo­grafııa, ártistik she­berlik sııaqty baǵyttar boıyn­sha oqytylady. Oblystyq kas­tıngtiń árbir je­ńimpazymen ar­­naıy jazylǵan avtorlyq bala­lar ánin jattaý Jazǵy mýzyka mek­tebi jumysynyń basty qory­tyndysy bolmaq. Osylaısha, án baıqaýynyń fınalynda el hal­­qy súıikti Otanymyz, sheksiz meıi­rimge toly balalyq shaqtyń bal­dáý­ren álemi týraly jańa án­der­diń tusaýkeserine kýáger bolady. Baıqaýdyń fınalynda balalar tanymal oryndaýshylarmen dýette qazaqstandyq estradanyń retro-shlıagerlerin oryndaıdy. «Bala daýysy» baıqaýynyń jeńimpazyn tańdaý quqyǵy kásibı qazylar alqasy men SMS arqyly daýys berýge qatysatyn telekórermenderge beriledi. Barlyq fınalǵa shyqqan 16 oryndaýshy arnaıy syılyqtarmen marapattalady, al eń úzdik bala daýysy elimizdiń eń tanymal mýzy­kalyq mektepteriniń birinde oqý granty men tanymal otandyq telearnalarda mýzykalyq klıptiń rotasııasy quqyǵyna ıe bolady. «Bala daýysy» Ulttyq balalar án baıqaýynyń qorytyndysy boıynsha Álııa Nazarbaevanyń «Jandaný álemi» qory Qazaqstan Respýblıkasynyń Tuńǵysh Pre­zıdenti – Elbasynyń qorymen birge elimizdiń bala baqshalary men mektepterine jańa balalar áni jınaqtaryn tegin syıǵa tartady. Bir aıtarlyq jaıt, 2015 jyly Álııa Nazarbaeva­nyń «Jandaný álemi» qory «Bala tıýrkvıjıon» halyqaralyq balalar án baıqaýynyń ulttyq irikteý tý­rynyń uıymdastyrýshysy boldy. 2016 jyly onyń shekarasyn keńeıtip, oǵan áleýmettik baǵyt-baǵdar bere otyryp, óz ulttyq baıqaýyn uıymdastyrý týraly sheshim qabyldady, bul rette onyń konseptýaldyq negizi burynǵysynsha qaldy – jańa balalar ánderin shyǵarý. 2017 jyly alys jáne jaqyn shetelderden balalardy shaqyra otyryp, «Bala daýysy» baıqaýyn halyqaralyq deńgeıge shyǵarý josparlanyp otyr. «Egemen-aqparat»