Elbasy Shymkenttegi «Azala tekstıl» seriktestiginde boldy

ASTANA. 22 sáýir. Qazaqstan Prezıdenti Nursultan Nazarbaev Ońtústik Qazaqstan oblysynyń ortalyǵyndaǵy «Azala tekstıl» jaýapkershiligi shekteýli seriktestiginde boldy. Bul týraly akorda.kz-ke silteme jasaǵan egemen.kz tilshisi habarlady. Elbasyǵa nysanda óńirdegi ındýstrııalyq damý baǵdarlamasynyń, «Ońtústik» arnaıy ekonomıkalyq aımaǵyndaǵy ınvestısııalyq baǵdarlamanyń júzege asyrylý barysy men jeńil ónerkásip nysandary qyzmetiniń negizgi kórsetkishteri týraly baıandaldy. Qazaqstan Prezıdenti fabrıka jumysymen jáne onda shyǵarylatyn negizgi ónim túrlerimen tanysty. Kásiporyn eńbekkerlerimen áńgime barysynda Nursultan Nazarbaev olarǵa jemisti jumys, kásibı jetistikter tiledi. Memleket basshysy óz óndirisin damytyp, ımporttyq taýarlar ornyn almastyrý – Qazaqstannyń ekonomıkalyq saıasatynyń mańyzdy mindetiniń biri ekenine nazar aýdardy. Aıta keteıik,«Azala tekstıl» jobasy údemeli ındýstrııalyq-ınnovasııalyq damý baǵdarlamasy aıasynda  2012-2014 jyldary júzege asyryldy. Fabrıka daıyn ónim shyǵarýdyń shıki maqta ósirýden mataǵa deıingi jabyq sıklin júzege asyryp, 600-ge jýyq adamdy jumyspen qamtamasyz etip otyr. Talǵat Raıymbek. Derek: akorda.kz. Foto: inform.kz.