Reseıde er kisi áıelin qyzǵanyshtan uryp óltirdi

ASTANA. 23 sáýir. Reseıdiń Nıjnıı Novgorod qalasynda bir er kisi eki kún úıde bolmaǵan áıelin qyzǵanyshtan uryp óltirdi. Bul týraly ras.kz-ke silteme jasaǵan egemen.kz tilshisi habarlady. Nıjnıı Novgorod soty qyzǵanyshtan áıelin uryp óltirgen oblystyń Semenov qalasynyń turǵyny Vıacheslav Gorbachevti 8 jyl, 6 aı túrmede otyrý jazasyna kesti. Oqıǵa 2015 jyldyń 26 aqpanynda bolǵan. Úıge eki kún qonbaǵan áıeli keshke kelgende, kúıeýi ony yzalana qarsy alǵan. Vıacheslav keıinirek jubaıyna sol kúnderi qaıta-qaıta qońyraý shalyp, ala almaǵanyn aıtqan. Sebebi, baılanys quraly óshirilip turǵan. Úıde sosyn kúıeýiniń tergeýi sońy janjalǵa ulasady. Qatty mas bolyp turǵan Vıacheslav opasyz áıeline tarpa bas salady. Ol kelinshegin birneshe saǵat uryp-soǵyp, ony edende esinen tanǵan kúıi qaldyryp, uıqyǵa ketedi. Erteńine oıanǵanda, áıeliniń jansyz jatqanyn kóredi. Osydan keıin ózi polısııaǵa kelip, bolǵan jaıdy túgel baıandaıdy. Talǵat Raıymbek. Derek: ras.kz. Foto: stan.kz.