Tarıhty dáriptegen olımpıada

Jýyrda Astanadaǵy Elbasy kitaphanasynda 5-10 synyp oqýshylary arasyndaǵy Qazaqstan tarıhynan XI respýblıkalyq «Tarıh ata» qashyqtyq olımpıadasynyń  saltanatty jabylý rásimi ótti. Atap aıtar bolsaq, atalmysh sa­ıysqa Qazaqstannyń barlyq óńirinen 1624 oqýshy qatysty. Olımpıada qashyqtyq jáne qorytyndy eki kezeń bo­ıynsha ótkizildi. Nátıjesinde 148 jeńimpaz anyqtalyp, qorytyndy kezeńge shaqyryldy. 5-10 synyp oqýshylary Qazaqstan tarıhy bo­ıynsha test tapsyrmalaryn oryndasa, 8-10 synyp arasynda eń joǵary upaı jınaǵan qatysýshylar Qazaqstan tarıhy boıynsha ózekti taqyryptarǵa esse jazdy. Osy jylǵy olımpıadanyń bir ereksheligi, Qazaqstan Res­pýblıkasynyń Tuńǵysh Prezıdenti – Elbasy kitap­hanasymen bir­lesip ótkizilýinde bolyp otyr. Sharaǵa qatysýshylar Qazaqstan Respýblıkasynyń Prezıdenti, Ult Kóshbasshysy N.Á.Nazarbaev týraly derekti fılmdi tamashalady. Kitaphanany aralap, «Álemdi ózgertetin ıdeıalar» ınteraktıvti bilim berý kesheni arqyly El­basynyń ıdeıalarymen jáne bastamalarymen jaqynyraq tanys­ty.  Sony­men qatar, Bilim jáne ǵylym mınıstrligi Memlekettik tarıh ınstıtýtynyń dırektory, tarıh ǵylymdarynyń doktory, professor B.Aıaǵanmen kezdesti. Shara sońynda olımpıadanyń jeńimpaz júldegerleri Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵynyń I, II, III dárejeli dıplom, gramotalarymen  marapattaldy. Sonymen qosa, jeńimpaz oqýshylarǵa «Oılar men jyldar» jáne «Bizdiń Prezıdent» atty taǵylymy mol kitaptar syıǵa tartyldy. Raýshan TÁÝIRHANQYZY, «Egemen Qazaqstan»