Eseptik konsertte boldy

Memlekettik hatshy Gúlshara Ábdiqalyqova Qazaqstan Respýblı­ka­synyń Memlekettik kúzet qyz­meti Prezıdenttik orkestriniń el táýel­sizdiginiń 25 jyldyǵyn merekeleý aıasynda ótken bıylǵy eseptik kon­sertinde boldy, dep habarlady Qazaq­stan Prezıdentiniń baspasóz qyzmeti. Konsertke shyǵarmashylyq jolyn Prezıdenttik orkestrde bastaǵan Qazaqstannyń belgili ártisteri qatysty. Mádenı is-sharada «Uly Dala» kompo­zısııasy tuńǵysh ret oryndaldy. Bul shyǵarma Elbasy N.Á.Nazarbaevtyń memleketimizdi resmı ataýymen qatar «Uly Dala eli» dep ataý jónindegi bastamasynan keıin dúnıege kelgen bolatyn. Sondaı-aq, Prezıdenttik orkestrdiń jas daryndary konsertte «Ahaý, arman», «Jyr-shashý» sııaqty qazaqtyń halyq ánderin, klassıkalyq jáne qazirgi zamanǵy mýzykalyq shyǵarmalar men bılerdi oryndady. Prezıdenttik orkestr 1992 jyly Qazaq­stan Respýblıkasynyń protokoldyq, dıp­loma­tııa­lyq, memlekettik jáne basqa da is-shara­laryn mýzy­kalyq jaǵynan qamtamasyz etý úshin qu­ryl­dy. Ujym folklorlyq mýzykadan bas­tap, qazirgi avtorlardyń kompozısııalary­na de­ıingi álemdik mýzykalyq ónerdiń barlyq janr­laryn qamtıtyn shyǵarmalardy oryndaıdy. Prezıdenttik orkestr elimizdiń mádenı ómirine belsene atsalysyp, Qazaqstandy jahan­dyq mýzykalyq arenada laıyqty tany­typ keledi. Orkestr ártisteri TMD, AQSh, Uly­brı­tanııa, Túrkııa, Úndistan elderinde jáne bas­qa da álemge áıgili sahnalarda tabys­ty óner kórsetti. Prezıdenttik orkestrdi 2006 jyldan beri «Elim meniń» alǵashqy respýblıkalyq patrıottyq ánder konkýrsynyń laýreaty, Qazaqstannyń eńbek sińirgen qaıratkeri, polkovnık Talǵat Berdiǵulov basqaryp keledi.