Áıelder mıssııasynyń maqsaty aıqyn

Qurmetti Otandastar! Áıel­der, analar, ápkeler men sińliler, qyzdar! Qazaqstan Respýblıkasynyń Prezıdenti N.Á.Nazarbaevtyń «Álem. HHI ǵasyr» manıfesi – bul jaı ǵana álemdik aýqymda­ǵy jospar ǵana emes, bul jahan­dyq qaýipsizdikti nyǵaıtýǵa qosylǵan baǵa jetkizgisiz úles. Manıfest búkil álemdegi mıllıondaǵan adamdy ótken ǵasyrlardaǵy qasiretti qate­likterdi qaıtalaýǵa jol bermes úshin jáne álemdi soǵys qaterinen máńgige alastaý úshin kúsh biriktirýge shaqyrady. Bizderge, Qazaqstannyń áıel­derine Nursultan Ábishuly manıfeste aıtqan ıdeıalar erekshe jaqyn jáne qymbat. El Prezıdenti balalarymyz ben nemerelerimizdiń bolashaǵy týraly oılaýǵa shaqyrdy. Biz ózderimizdiń oı-nıet­terimizdi Jerdegi Beıbitshilik pen Izgilik jolynda biriktirýge shaqyrýmen qaıyrylamyz! Jahandyq álemde bizdiń barlyǵymyz ortaq úıimiz – Jer planetasy, onyń búgingi turaqtylyǵy men jarqyn bolashaǵy úshin jaýaptymyz. Osy Úıdegi beıbitshilik pen kelisim, tártip pen ıgilik ár­qaısymyzǵa, bizdiń oı-nıetimizdiń qanshalyqty taza, izgilikti, is-áreketterimizdiń qanshalyqty laıyqty ekenine baılanysty. Búginde bizdiń bárimiz, Jer planetasynyń turǵyndary, bir­tutas otbasy retinde Jańa ýaqyt­ta – jańa ǵasyrda, jańa myń­­jyl­dyqta ómir súrip jatyrmyz. Osy myńjyldyq ári qa­raı qaı baǵytta damıdy? Bul suraq barsha adamzat balasyn tolǵandyrady. Ásirese, biz­derdi, áıelder qaýymyn qatty alańdatady. Naq bizder, áıelder turaqty búgingi kún men ornyqty bola­shaqty qamtamasyz etýde negizgi kúsh bolyp tabylamyz. Naq bizder, áıelder ózderimizdiń qoǵamymyz ben memleketimizdi óńirlik jáne jahandyq beıbit­shilikke bastap ákelýge tıispiz. Búgingi bizdiń basty qasıetti mıssııamyz – balalarymyz ben nemerelerimiz qýanysh pen ıgilikte, ózderimen ózderi jáne álemmen kelisimde ómir súrýleri úshin jas urpaqty durys jolǵa salý. Biz óz balarymyzdyń búgini men erteńin baqytty etýge tıis­piz jáne solaı jasaı alamyz! Biz Qazaqstan Respýblıkasy Prezıdentiniń Beıbitshilik manıfesin qos qoldap qol­daımyz! Zaǵıpa BALIEVA, Parlament Májilisiniń depýtaty – Qazaqstan Respýblıkasyndaǵy Bala quqy jónindegi ýákiletti ókil