Qandasym – qazaǵym!

Qazaq­stan – baq mekenim. Ba­balarym o basta tik kó­terilip bel as­qan je­rim, bú­gin­de ózim­niń kin­digimniń qany tamyp, baýyr basqan jerim. Arǵy tarıh­ty qozǵasam, dadam Qorqyt birik­tirip, Bamsy Báırek – Alpa­mys syndy batyrlar qo­ram­saqqa qol salyp qor­ǵaǵan dańqty elim. Ázerbaıjan men qazaqtyń túbin alyp qarasań túrkilerden órbigen, bir tóskeıdi óristep, zamanalar kóshinde oǵyz atam butaǵy shalǵaı qonyp alystap, taý asyp, tas basyp, kóshiniń basyn Kap taýyna burǵanda Otanda qalǵan baýyrym. Qazaq týǵan keńpeıil. Onyń dalıǵan dalasyndaı darhan kóńili túbiri bir biz tárizdi týysqa ǵana ashylmaıdy, jany jomart jaısań jurttyń júregi jalpyǵa birdeı, jylylyǵy, tógilgen nury kópke birdeı. Qarap otyrsaq, osy qazaq jerinde qanshama etnos ókili bar. Solardyń biri de ógeı­diń kúnin keshpeıdi, qaıta jaq­sylyǵyn kórip, janyna jaqyn balaǵan qazaqtyń keń qoltyǵynda ár­qaısysy óz etno­synyń mádenıeti men ult­tyq dástúrin dáripteıtin orta­lyqtar ashty. Tipti, eldiń eń joǵary zań shyǵarýshy organy – Parlamentke depýtat saılap, mártebesi Ata Zańda dáriptelip otyr. El birligi, tutastyq – taptyr­maıtyn qazyna. Qazynany qadi­rine jetkender ǵana eselep to­lyqtyryp otyrady, dál qazirgi Qazaqstan osyndaı birlikti ortaq qasıet, baǵa jetpes qazyna etýde. Birlikke syna túspese, elim degen halyqtyń alar asýy, baǵyndyrar bıigi, jetetin jeńisi kóp bola túspek. Búginde birlikke uıyǵan bar­sha Qazaqstan jurty aldyna naqty maqsattar qoıyp, alar mejesin belgilep otyr. Ozyq eldiń qataryna engizer «100 naqty qadam» bizderdi alǵa jeteleıdi. Gúlhanym ASLANOǴLY, Úshtóbe qalasyndaǵy Oıan aýyldyq ortalaý mektebiniń muǵalimi Almaty oblysy