Balalarǵa – qos syılyq

C.Begalın atyndaǵy memlekettik balalar kitaphanasynda Halyqaralyq balalar kitaby kúnine oraı qazaqstandyq avtor Jan Amanıdiń «Danııaldyń ǵajaıyp álemi», «Alýan tústi balyqtar jáne Darııa» atty eki kitabynyń tusaýkeseri ótti. – Búgin búkil álem jurt­shylyǵy balalar ádebıeti kúnin atap ótýde, – dedi merekelik sharany ashqan kitaphana basshysy E.A.Fomchenko. – Kitaphana ujymy da osy búkilálemdik merekeni jyl saıyn atap ótip keledi. Balalarmen birge álemdik jáne otandyq balalar ádebıetinde bolyp jatqan eleýli jańalyqtarmen tanysyp, jazýshy, baspagerlermen kezdesý ótkizip otyramyz. Búgingi qonaǵymyz erekshe. Ol – balalar jazýshysy Jan Amanı. Jas qalamger kishkene balaqaılarǵa úlken bazarlyǵymen kelip otyr. Osylaısha jazýshyny kóp­­shilikke tanystyrǵan bas kitaphanashy sondaı-aq, bel­­­gili sýretshiler A.Hakim­ja­nova men A.Sastyń bire­geı sýretterimen tartymdy bezendirilgen kitaptarǵa bala­lardyń qyzyǵýshylyǵyn arttyrsa, óz kezeginde kishkene oqyrmandar jazýshy apaılaryna: «Jazýshylyqqa qalaı keldińiz?», «Jazýshy bolý qıyn emes pe?», «Qaı janrda ertegi jazǵan unaıdy?», «Ertegilerdi qansha ýaqytta jazasyz?», «Nege eki-aq kitap, bolashaqta taǵy kitaptar shyǵarasyz ba?» degen sarynda saýaldar qoıyp, suraqtyń astyna aldy. Jan Amanı bolsa kitap­ty shyǵarýǵa uzaq ýaqyt da­ıyndalǵanyn, balalardyń jan-dúnıesin túsinip, ertegi ja­zýyna negizgi mamandyǵynyń psıholog bolǵandyǵy da kóp kómegin tıgizgenin aıtty. Al bolashaqta biraz kitaptar shy­ǵarý josparda bar eken. – О́zderińiz kórip otyr­ǵan­daı, myna eki kitap úsh til­de shyqsa, keıingilerine qy­taı, tú­rik, nemis, ózbek jáne taǵy bas­qa tilder qosylmaq.Ma­q­­­­sa­tymyz – osylaısha zamanaýı álemdik ádebıetke úle­si­mizdi qosý. Búgingi kezdesý maǵan úlken shyǵarmashylyq shabyt syılady. Negizgi oqyr­­manym – balalardyń shy­naıy qyzyǵýshylyǵyn kórip, pi­kir alysyp, usynys-talap­taryn tyńdaýdyń ózi erekshe ǵa­nıbet, – dep tolqı sóı­legen jazýshy balalarǵa arnap ákelgen kitaptary men tátti syılyqtaryn tartý etti. Kitaphana qoryna da kitaptar tapsyryldy. Ádebıetke zor daıyndyqpen, úlken jaýapkershilikpen kelgen jas avtor óz týyndylaryn qa­ǵaz betine túsirip, kishkentaı oqyrmandaryna usyný jolynda on jyldaı eńbektenipti. Úsh tilde (qazaqsha, oryssha, aǵyl­shynsha) aýdıo nusqasymen birge shyqqan kitaptardyń sońǵy betine úńilsek, ertegi kitap­tardy jaryqqa shyǵararda: redaktorlar, aýdarmashylar, dızaıner, sýretshi, dýblıaj rejısseri, dybys rejısseri, sazger, kórkemdik redaktor, dy­bystaǵan ártistermen qosqanda jalpy sany jıyrma shaqty maman jumys jasaǵanyn kóremiz. Bul, árıne, kitaptyń sapaly shy­ǵýyna septigin tıgizgeni sózsiz. Gúlzeınep SÁDIRQYZY, «Egemen Qazaqstan». ALMATY