Jańa poıyz jolǵa shyqty

Arqalyq – Shubar­kól baǵytynda jańa poıyz óziniń al­ǵash­qy saparyn bastady. Ol kúnine 4 ret Shubarkól stansasymen aralyqta qatynaıtyn bolady. Poıyz qaladan tańǵy saǵat 07.00-de shyǵyp, 11.17-de dittegen beketine jetedi. Al Shubarkólden Arqalyqqa 13.30-da bet alyp, qalaǵa saǵat 17.48-de keledi. Kólik jol boıy tórt stansaǵa aıaldaıdy. Arqalyqtan Jalǵyztal stansasyna deıin bılettiń baǵasy – 149 teńge, Terisaqqanǵa 242 teńge bolsa, Maıbulaqqa  – 429 teńge, Nurdalaǵa  – 605 teńge, Jeleznodorojnyı razezine – 677 teńge, Shubarkólge deıin – 781 teńge. Poıyz Jalǵyztalǵa saǵat 07.35-te, Terisaqqanǵa 08.12-de, Maıbulaqqa saǵat 09.12 mı­­nýt ketkende barady. Sol sııaq­ty, Nurdalaǵa 10.06-da, Jeleznodorojnyı razezine 10.41-de, Shubarkólge saǵat 11.17 mı­nýt ótkende jetedi. Jolaý­shylar poıyzy stansalarda 5 mınýt aıaldaıdy. Arqalyq pen Shubarkóldiń arasy – 214 shaqyrym. Osy aralyqta poıyz 4,5 saǵat júredi. Bul temirjoldyń tusaýyn Elbasy N. Nazarbaev 2014 jyly Jezqazǵanda telekópir barysynda kesken bolatyn. Sol kezde Memleket basshysy jańa sa­lyna bastaǵan Jezqazǵan – Beıneý men Arqalyq – Shubarkól temirjoldary tek osy óńirdiń ǵana emes, barsha elimizdiń eko­nomıkasynyń damýyna yqpal etetinin aıtqan. Dastan KENJALIN, «Egemen Qazaqstan»