Amanatqa alǵan baılyǵymyz

Qazirgi tańda qo­ǵa­mymyzda jerdiń satylýy, jalǵa berilýi týraly másele asa ózekti bolýda jáne san alýan qaıshylyqty pikirler oryn alýda. «Jer týraly» Zańǵa engizilgen sońǵy ózgeristerge sáıkes, ústimizdegi jyldyń shildesinen bastap elimizdegi aýyl sharýashylyǵyna paıdalanylatyn jerdi óz elimizdiń azamattary satyp alýyna nemese burynǵysynsha jalǵa alyp, ıelik etýine bolady. Jýyrda ótken Qazaqstan halqy Assambleıasynyń ses­sııa­­synda jer máselesi týraly Elbasynyń bergen túsin­dir­mesinde: «Sheteldik azamattarǵa jer satylmaıdy, olarǵa tek jal­ǵa beriledi, jalǵa berý merzimi ǵana uzartylǵan. Buryn bul mer­zim 10 jyl bolatyn, bul merzim ishinde salynǵan qar­jynyń qaı­tarymy bol­maı­tyndyqtan, uzar­­­ty­lyp otyr. My­saly, qa­sy­myzdaǵy Re­seı men Eýropada bul mer­zim 50 jylǵa jýyq», – dedi. Jer – barsha ha­lyq­­qa tıesili, ata-baba­­larymyz amanat et­ken bas­ty baı­lyǵymyz. Táýel­sizdik tańymen she­karamyz aıqyn­da­lyp, shegelengen, ár el óz shekarasynyń aıa­syndaǵy jerge ǵana ıelik ete alady. Son­dyqtan, qazirgi qoǵam­da bolyp jatqan «jer shetel­dikterge satylady eken» degen pikir negizsiz. Al jerdi jalǵa berý jaıynda aıtsaq, bul barlyq elderde qoldanylatyn jaǵdaı, álemdik ıntegrasııadan tys bolyp, oqshaý ómir súrý múmkin emes, olaı bolsa, ekonomıkamyzdyń damýy kesheýil qalmaq. Qazir «Jer týraly» Zańǵa engi­zilip otyrǵan ózgeristerdiń basty maqsaty – aýyl sharýa­shy­­lyǵyna arnalǵan bos jatqan jerdi tıimdi, utymdy paıdalaný, osyny durys uǵynǵanymyz jón. Bul – halyqtyń jaǵdaıyn jaq­sartý, tirshiligin kórkeıtý baǵy­tynda jasalyp jatqan shara­lardyń biri. Qoǵamda oryn alǵan kereǵar pikir­ler máseleniń mánin durys túsinbeýdiń saldarynan týyndap otyr, bos daýryǵý qoǵamymyzdyń shyrqyn buzyp, birlik-bere­ke­miz­ge nuqsan keltirýi múmkin, son­dyqtan, qazirgi tańda «Jer týraly» Zańǵa ózgerister jónindegi má­sele boıynsha halyqqa egjeı-teg­jeıli, naqty aqparat berý maq­satynda qoǵamda aǵartý naý­qany júrgizilýi tıis degen oıdamyn. Tóregeldi ShARMANOV, akademık   ALMATY