Nurly júrekter partııasy

Keshe «Nur Otan» halyqtyq-demokratııalyq partııasy Alma­ty qalalyq fılıalynyń kezekti IH esep berý-saılaý konferen­sııasy bolyp ótti. Onyń jumysyna partııa Tóraǵasynyń birinshi orynbasary Nurlan Nyǵmatýlın qatysyp, sóz sóıledi. Búgin tańda 70 myńnan astam partııa múshesin biriktirip otyr­ǵan «Nur Otannyń» Almaty qa­la­lyq fılıaly barlyq áleýmet­tik mándi jobalardy júzege asy­rýǵa belsendi qatysyp keledi. Fılıal kó­keıkesti máselelerdi sheshýge jańa kózqaras turǵysy­nan keletindigimen erekshelenedi. Qazaq­stannyń barlyq óńirlerin­degi 2 mıllıon adam­men qatar, respýb­lıkalyq «Otan­dastar» ak­sııa­syna zor yqy­laspen qatys­qan almaty­lyq nur­otandyqtar partııanyń 2020 jyl­ǵa deıingi baǵdarlama­syn ázirleýge de óz­deriniń aıtar­lyqtaı úlesin qosa bildi. Osy jaı­larǵa óziniń esepti baıandama­synda Almaty qalasy­nyń ákimi, partııa qalalyq fı­lıalynyń tór­aǵasy Ahmetjan Esimov keńinen toqtalyp, fılıal saıası keńesiniń ótken jylda at­qarǵan jumysy­nyń qorytyn­dy­laryn jan-jaqty saralaı aıtty, sonymen birge, «Nur Otan» HDP-nyń 2020 jyl­ǵa deıingi ke­zeńge arnalǵan baǵ­dar­la­masy­nyń joba­sy jóninde paıym­dy pikirler tolǵady. Almaty qalasyndaǵy áleý­met­tik-ekonomıkalyq jetistikterdi «Nur Otan» fılıalynyń ıgi isterinen bólip qaraýǵa bolmaı­dy. О́tken jyly ońtústik astana bıýdjetke re­kordty soma – 757 mıllıard teńge qar­jy quıdy. Ulttyq Ǵylym aka­de­mııasynyń prezıdenti Murat Ju­rynov mu­nyń ózi búkil Qyrǵyz­stannyń memlekettik bıýd­jetimen teń eken­digin atap kór­set­ti. Osynyń bári, saıyp kelgende, Elbasynyń ekonomıkalyq jáne bas­qa baǵyt­tarda durys saıasat us­tanyp kele jatqandyǵyn pash etedi. Bul saıasat –  halqymyzdyń jú­regin nurǵa tolty­ratyn saıasat. Ony konferensııada sóz alǵan Qur­man­ǵazy atyn­daǵy Qazaq ulttyq konservatorııa­synyń rektory J.Áýbákirova, «Nur Otan» HDP Túrksib aýdandyq fılıalynyń tóraǵasy, Túrksib aý­danynyń ákimi V.Ýstıýgov, Qazaq­stan halqy As­sambleıasy Tóraǵa­synyń orynba­sary, «Almaty kópir konstrýksııa­lary» AQ bastyǵy, Almaty qalasy máslıhatynyń tór­aǵasy A.Shár­dınov jáne bas­qalar qadap aıtty. Partııa baǵdarlamasynyń jo­ba­sy jaıynda aıta kele, «Nur Otan» HDP Tóraǵasynyń birinshi oryn­basary Nurlan Nyǵmatýlın búkil el búgin tańda Qazaqstan­nyń Tuń­ǵysh Prezıdentiniń óki­let­tigin 2020 jylǵa deıin uzar­tý jóninde referendým ótkizý týraly ortaq ıdeıamen ómir súrip otyrǵan­dy­ǵyna toqtaldy. Munyń ózi áb­den zańdy. Sebebi, qa­zirgi Qazaq­stan­nyń áleýmet­tik-ekonomı­ka­lyq da­mý­daǵy bar­lyq tabystary jáne halyqara­lyq arenadaǵy tuǵyry­myz­dyń bıikteı túsýi Ult Kósh­bas­shysy Nursultan Na­zar­baev­tyń esimimen tyǵyz baı­lanysty, dedi Tór­aǵa orynba­sary. Konfe­ren­­sı­ıaǵa qatysý­shy­lar Qazaqstan Prezıdenti Nur­sul­tan Nazar­baev­tyń ókilettigin uzartý jó­nin­degi referendým ót­kizý basta­ma­syna bir­aýyz­dan qol­daý bildirdi. Konferensııa qaralǵan máse­le­ler boıynsha tıisti qaýly qa­byl­dady, «Nur Otan» HDP Al­maty qalalyq fılıaly saıası ke­ńesiniń jáne baqylaý-tekserý komıssııa­sy­­nyń jańa quram­da­ryn, sondaı-aq «Nur Otan» par­tııasynyń HIII sezine delegattar saılady. Qala­lyq fılıal­dyń tóraǵasy bolyp qaıtadan Ahmetjan Esimov, tór­aǵa­nyń oryn­basary bolyp Mahambet Beıdalı saılandy. Konferensııa sońynda N.Nyǵ­­matýlın Almaty qalasy boıynsha referendým ótkizý jónindegi yn­ta­ly toptyń basshysy M.Ju­rynov pen Y.Altynsarın atyn­da­ǵy №159 gımnazııanyń dırek­tory Aıagúl Mı­razovaǵa partııa­nyń «Belsendi qyzmeti úshin» medalin tabys etti. Qorǵanbek AMANJOL. Almaty.