ASTANA. 5 mamyr. Búgin fýtboldan Qazaqstan premer-lıgasynyń 9-týr oıyndary oınaldy. Alty kezdesýdiń beseýinde esep ashylsa, bir matchta gol soǵylǵan joq. Bul týraly egemen.kz tilshisi habarlady.
Týrnır kestesinde kósh bastap kele jatqan «Astana» men Pavlodardyń «Ertisi» bul joly da qarsylastarynan basym tústi. Elordalyqtar syrt alańda Kókshetaýdyń «Oqjetpesin» 1:0 esebimen jeńse, «Ertis» Pavlodarda Qostanaıdyń «Tobylyn» 3:1 esebimen tize búktirdi.
Sonymen qatar, týr barysynda jankúıerler nazar aýdarǵan oıyn retinde Almatynyń «Qaıraty» men Taldyqorǵannyń «Jetisýy» arasyndaǵy kezdesýdi aıtýǵa bolady. Byltyr Eýropa lıgasynyń irikteý synynda jasyndaı jarqyldaǵan «Qaırat» ázirge kibirtiktep keledi. Maýsym bastalǵaly eki-aq ret jeńiske jetken almatylyqtar búgingi oıynda óz jankúıerlerin úshinshi márte qýantty. «Jetisýdan» 2:0 esebimen aılasyn asyrǵan «Qaırat» ázirge týrnır kestesinde 6-orynda tur.
9-týr oıyndarynyń nátıjeleri:
«Oqjetpes» (Kókshetaý) – «Astana» (Astana) 0:1
Gol: Djordje Despotovıch 74.
«Aqjaıyq» (Oral) – «Aqtóbe» (Aqtóbe) 0:0
«Ertis» (Pavlodar) – «Tobyl» (Qostanaı) 3:1
Goldar: Baıe Fall 25, Roman Murtazaev 74, Gogıta Gogýa 76 (penaltı) – Nurbol Jumasqalıev 44.
«Taraz» (Taraz) – «Shahter» (Qaraǵandy) 1:2
Goldar: Baýyrjan Baıtana 90+3 – Sergeı Skoryh 71, Andreı Fınonchenko 76.
«Atyraý» (Atyraý) – «Ordabasy» (Shymkent) 2:2
Goldar: Pshemyslav Trytko 45, 86, Jasur Nárziqulov 51 (avtogol) – Fılıpp Kasalısa 5.
«Qaırat» (Almaty) – «Jetisý» (Taldyqorǵan) 2:0
Goldar: Gael Tavamba 72 – Baýyrjan Turysbek 25 (avtogol).
9-týr oıyndarynyń qorytyndysy boıynsha týrnır kestesi
- Roman Murtazaev («Ertis») – 6 gol;
- Gogıta Gogýa («Ertis») – 4 gol;
- Samat Smaqov («Aqtóbe») – 4 gol;
- Djordje Despotovıch («Astana») – 4 gol.
