ASTANA. 16 mamyr. Astana qalasy ákimdiginiń Jastar teatry osy jyldyń 26-27 mamyr kúnderi Saıa Qasymbektiń «Teksizder» pesasynyń negizi boıynsha qoıylǵan «Lıft» psıhologııalyq dramasynyń premerasyn ótkizedi. Bul týraly Jastar teatrynyń baspasóz qyzmetine silteme jasaǵan egemen.kz tilshisi habarlady.
Qoıylymnyń qoıýshy rejısseri – elimizdiń eńbek sińirgen qaıratkeri Bekbolat Qurmanǵojaev. Al qoıýshy sýretshisi – Erlan Tuıaqov.
Dramada jańa zamannyń eń úlken máselesi – ultsyzdaný men urpaq teksizdenýiniń negizgi túıtkilderi aıtylyp, psıhologııalyq turǵydan tereń taldaý jasalady. Onda qoǵamdaǵy ózekti máselege aınalǵan ulttyń bolashaǵy, búgingi urpaqtyń mádenıetsizdikke umtylýy sekildi tustary astarly oımen sýretteledi. Sondaı-aq, óskeleń urpaqty atalǵan dertten aryltýǵa, sanasyna jaqsy qasıetterdi sińirýge umtylady.
Aıan Ábdýálı.
Derek: Jastar teatrynyń baspasóz qyzmeti.
Foto: el.kz.