Ýaqyt Úkimetten jınaqylyqty talap etedi

Keshe Astanada «Nur Otan» partııasynyń uıymdastyrýymen memlekettik organdardyń fýnksııalaryn básekelestik ortaǵa jáne ózin ózi retteıtin uıymdarǵa berýge arnalǵan brıfıng ótti. Oǵan «Nur Otan» partııasynyń Parlament Májilisindegi fraksııasy jetekshisiniń orynbasary Asqar Bazarbaev, Májilis depýtaty Serik Qusaıynov, Ulttyq ekonomıka mınıstrligi men «Atameken» ulttyq kásipkerler palatasynyń ókilderi qatysty. Memleketke tán emes jáne artyq fýnk­sııal­ardy qysqartý arqyly jınaqy Úkimet qurý máseleleri talqylanǵan basqosýda birinshi kezekte sóz alǵan Asqar Bazarbaev «100 naqty qadam» Ult Jos­parynyń 97-qadamyn júzege asyrý barysyn­da atqary­lyp jatqan sharalarǵa keńinen toqtaldy. «Ult Josparynyń 97-qada­myn júzege asyrý aıasynda 2015 jylǵy 12 qarashada «О́zin ózi retteý týraly» Zań, sondaı-aq, «Qazaqstan Respýblıkasynyń keıbir zańnamalyq aktilerine ózin ózi retteý máseleleri boıynsha ózgerister men tolyqtyrýlar engizý týraly» Zań qabyldandy. Atalǵan zańdardy júzege asyrý maqsatynda sáıkesinshe, zańǵa táýeldi aktiler qabyldandy jáne ózin ózi retteıtin uıymdar boıynsha tásilderdi túsindirý jumystary júrgizilýde», – dedi A.Bazarbaev. Sonymen qatar, spıker Premer-Mınıstrdiń ókimimen ózin ózi retteıtin uıymdar men básekelestik ortaǵa memlekettik organdardyń fýnksııalaryn berý máseleleri boıynsha usynystardy jasaý úshin arnaıy komıssııa qurylǵanyn, onyń quramyna Parlament depýtattary, orta­lyq atqarýshy organdardyń basshylyǵy, «Atameken» UKP, «Qazaqstan azamattyq Alıansy» ZTB engenin jetkizdi. Odan ári A.Bazarbaev ko­mıs­sııa janynda ózin ózi retteıtin uıym­­dar men básekelestik ortaǵa mem­lekettik organdardyń fýnk­sııa­laryna ınventarızasııa júrgizýde memlekettik organ­dar­dyń jumysyn úı­lestirý úshin saraptamalyq top jumys isteı­tinin, bul rette 2016 jylǵy 29 sáýirde Ulttyq ekonomıka mınıstrliginde ortalyq jáne jergilikti atqarýshy organ­dar úshin fýnksııalardyń ın­ven­tarızasııasy boıynsha beı­nekonferensııa rejiminde oqytý semınary ótkenin atap ótti. Jıynda belgili bolǵandaı, qazirgi tańda ortalyq jáne jer­gilikti atqarýshy organdardyń ju­mys toptary ózin ózi retteıtin uıym­dar men básekelestik ortaǵa berý múmkindigi bar fýnksııalarǵa ın­ven­tarızasııa júrgizip, sa­rap­ta­ma­lyq toptyń qaraýyna engizbek. Budan bólek, spıker fýnk­sııalardy básekelestik ortaǵa jáne ózin ózi retteıtin uıym­darǵa berýdiń birqatar tásilderi bekitilgenin málim etti. Onyń aıtýyn­sha, memlekettik organ­dar­dyń fýnksııalaryn jikteı kelip, olardy turaqty, ýaqytsha jáne tán emes fýnksııalar dep bóle otyryp ınventarızasııa júrgizý, «Atameken» UKP jáne «Qazaqstannyń azamattyq alıansy» ZTB birlesip naryqtyń qanshalyqty daıyn ekendigine taldaý jasaý, Ulttyq ekonomıka mınıstrliginiń saıtynda báse­kelestik ortany tartý úshin aldyn ala tizbeni jarııalaý, fýnksııalardyń bazalyq tizbesin anyqtaý jáne basqa da máseleler basty nazarda bolady. О́z kezeginde Serik Qusaıynov memle­kettik organ­dar­dyń fýnk­sııalaryn aýtsor­sıng ar­qy­ly berý sheshimi qabyl­dan­ǵan jaǵdaıda, fýnksııa «Mem­lekettik satyp alý týraly» Zańnyń sheńberinde beriletinin, al memlekettik tapsyrys ar­qyly sheshim qabyldanǵan jaǵ­daıda «Bıýdjet týraly» jáne «Memlekettik áleýmettik tap­syrys týraly» zańdardyń sheń­berinde berý josparlanyp otyrǵanyn, kórsetiletin qyz­metti alýshylardyń qarajaty jáne ózin ózi retteý esebinen sheshim qa­byl­danǵan jaǵdaıda, fýnksııa sala­lyq zańnamanyń sheńberinde usynylatynyn jetkizdi. «Atameken» UKP Normatıvtik-quqyq­tyq akilerdi úılestirý depar­tamentiniń sarapshysy Aıjan Bıjanova memlekettik organ qyzmetin básekeles ortaǵa berý isi ábden pysyqtalyp baryp júzege asyry­latynyna toqtaldy. Jıynǵa qatysýshylardyń sózine qara­ǵanda, joǵaryda kórsetilgen shara­lar­dy iske asyrý memlekettik fýnk­sııa­lardy qysqartýǵa, azamattardyń she­shimder qabyldaý úderisine qatysýyna, ózin ózi retteýdi jáne jergilikti basqarýdy retteýdi damytýǵa, memlekettiń shyǵy­syn tómendetýge jáne Úkimetti jınaqy etýge múmkindik beretin kórinedi. Jıyn barysynda spıkerler atalǵan máselege baılanysty sheteldik tájirıbeler tııanaqty zerttelip, zerdelengenin aıtty. Olardyń sózderine qaraǵanda, AQSh-ta Aq úıdiń ákimshiligi jyl saıyn federaldy vedom­stvolardyń usynysy boıynsha aýtsorsıng arqyly básekelestik ortaǵa berýge bolatyn fýnk­sııalardyń tizbesin qalyp­tastyratyn kórinedi. Joldybaı BAZAR, «Egemen Qazaqstan»