Qazaqstandaǵy Jýalydan Eýropadaǵy Brıýsselge jiberiledi
Naǵyz bıznes jaı bastalyp, birte-birte qarqyn alady. Jambyl oblysynyń Jýaly aýdanyndaǵy maı shyǵaratyn zaýyttyń alǵash lentasy qıylǵanda, kúnine 3-5 tonna ǵana maqsary óńdeıtin. Endi, mine, tynymsyz eńbektiń arqasynda kásipterin damytyp, qazir ónimderin Qytaı, Nıderland jáne Belgııa elderine shyǵarýǵa qol jetkizdi.
Suranys arta túskendikten, 115 mıllıon teńge nesıe alyp, Qytaıdan jańa qondyrǵylar satyp aldy. Sonyń arqasynda ónim sapasyn arttyryp, eksport kólemin ulǵaıtpaq. Qazir zaýyttyń táýligine 30 tonna maqsary syǵatyn múmkindigi bar.
– Biz suıyq maımen birge ony quıatyn plastmassa qutyny da ózimiz shyǵaramyz. Byltyr munda táýligine 7 tonna maqsary óńdelgen. Onyń bir bóligi jartylaı shıkizat kúıinde eksportqa jóneltildi. Endi ónim shyǵarýdy 2 esege kóbeıtkeli otyrmyz. Bul úshin maıly daqyldy ózimiz egip, shıkizatty tıimdi paıdalanýymyz qajet. Sondyqtan, bizge egin egetin jer kerek. Dándi qazirgideı ár sharýanyń alqabynan jınap, qabyldap alý bizge tıimsiz. Búginde otandyq ónimge degen suranys jaqsy. О́ıtkeni, halyq Qazaqstanda jasalǵan taýardyń ekologııalyq taza ári sapaly ekendigin jaqsy biledi, – deıdi zaýyt dırektorynyń óndiris jónindegi orynbasary Ánýarbek Saǵyndyqov.
Mine, bir kezderi eski astyq qabyldaıtyn mekeme bazasynda ashylǵan bul zaýyt osylaısha qulashyn keńge sermep, sátimen alǵa basyp keledi.
Oralhan DÁÝIT,
«Egemen Qazaqstan»
Jambyl oblysy