Dańqty balýanǵa laıyqty qurmet

Eren eriniń eńbegin eleýden áste tanbaıtyn jetisýlyqtar Taldyqorǵan qalasyndaǵy «Jastar» sport saraıynda grek-rım kúresi boıynsha qazaqtan shyqqan tuńǵysh Olımpıada chempıony Jaqsylyq Úshkempirovtiń 65 jyldyq mereıtoıyna arnalǵan halyqaralyq týrnır ótkizdi. Jarysty Almaty oblysynyń ákimi Amandyq Batalov sóz sóılep ashty. «Búgingi jarystyń jas ur­paqtyń sportqa degen yntasyn arttyrý men salamatty ómir saltyn qalyptastyrýda róli óte zor. Boıyndaǵy qaıraty men jigerin qazaq eliniń abyroıyn asqaqtatýǵa arnaǵan Jaqsylyq Úshkempirov qazaq jastary úshin úlgi-ónege. «Er synshysy – eli. Elin súıgen er bolar» degen sóz Jetisýdyń tól perzenti bizdiń balýanymyzǵa arnap aıtylǵandaı», – dedi oblys ákimi. Sondaı-aq, elimizge tanymal tulǵalar Jaqsylyq Úshkempirovti ortalaryna ala turyp jastarǵa úlgi etip, ystyq yqylastaryn bil­dirdi. Týrnırge Qyrǵyzstan, О́z­bek­stan, Túrkııa jáne Armenııa mem­leketteriniń jas balýandary qatysty. Arnaıy shaqyryl­ǵan qo­naqtar qatarynda erkin kú­resten Atlanta-1996 Olım­pııa­ oıyndarynyń qola júl­de­geri Máýlen Mamyrov, grek-rım kúresinen Olımpıada chempıony Iýrıı Melnıchenko, mereıtoı ıesiniń bapkeri Rom Ilmatov, «Zhersu» korpora­sııasynyń tór­aǵasy, Qa­zaq­stan kúres federasııasynyń aımaqtardy damytý jónindegi vıse-prezıdenti Baýyrjan Os­panov boldy. О́tken kúnder bel­gisin aıshyqtaǵan beınefılm­de Jaq­sylyq Úshkempirovtiń 1975, 1980 jyldary KSRO jáne Más­keý Olımpıadasynyń chempıo­ny, 1981 jyly Álem chempıony, 1982 jyly Álem kýbogynyń kúmis júldegeri ataǵyn jeńip alǵan mereıli sátteri kórsetildi. Eki kúnge sozylǵan dúbirli jarysta Ilhom Bahromov (О́zbekstan, 50 kg.), Ǵalym Qabdýnasyrov (Al­maty oblysy, 55 kg.), Aıdos Sul­­tanǵalı (Qyzylorda, 60 kg.), Esenaman Baǵjanov (Aqtóbe oblysy, 66 kg.), Qaharman Kısmetov (Atyraý, 74 kg.), Sanjar Temirbek (Almaty oblysy, 84 kg.), Sarkıs Pshenıchnıkov (Qostanaı, 96 kg.), Danııar Marven (Almaty qalasy, 120 kg.) chempıon ataǵyn jeńip aldy. Al minsiz tehnıkasy úshin Aıdos Sultanǵalıǵa «Eń úzdik balýan» ataǵy berildi. Mereıtoı ıesine Almaty ob­ly­synyń atynan Taldyqorǵan qa­lasynan páter kilti, al Qazaqstan kúres federasııasynan avtokólik syıǵa tartyldy. Nurbol ÁLDIBAEV, «Egemen Qazaqstan» Taldyqorǵan