týraly taǵy ne bilemiz?
«Egemen Qazaqstannyń» 2016 jylǵy 13 sáýir kúngi sanynyń 11-betinde Zákir Asabaevtyń «Halyq jaýy Qarlybaev» degen maqalasy jarııalanypty. Ol maqalada: «Qarlybaevty biletinder, izdeýshiler bar ma?» – degen azamattyq saýal joldanypty. Úlken rahmet! Qazir ótkendi zertteıtin, tarıhty, shejireni biletinder joqtyń qasy.
Dese de maqalaǵa baılanysty surastyrý nátıjesinde Qyzylorda oblysy Syrdarııa aýdany, Tereńózek kentinde turatyn 85 jastaǵy Qosan Áýespaev degen shejire, ózi qartaısa da jady eskirmegen kisimen tildesýdiń sáti tústi.
Qarlybaev (esimi Ábdireı)jáne Naýryzbaev Qasym Mahanbetuly ekeýi de Tereńózek, Syrdarııa aýdanynyń týmasy.
Otyzynshy jyldardyń basyndaǵy asharshylyq Syr boıyndaǵy, ásirese, onyń tómengi aǵysyndaǵy elderdi qatty kúızeliske ushyratty. Malsyz qalǵandar bas saýǵalap bir úzim nan úshin áıel-balalaryn jetektep 1932 jyly Tashkent baǵytyna jer asqan. Qysy qysqa, kúni jyly, jeri qunarly, jemisi erte pisetin ońtústikti panalap aman qalǵan. Ábdireı Qarlybaev etiniń tiriligimen, qabiletimen qyzmetke aralasqan. Ol jóninde maqala avtory Zákir Asabaev jaqsy jazypty. Rahmet.
Al Qasym Naýryzbaev Mahambet degen ákemiz ben Dúrııa degen ájemizdiń jalǵyz uly. Asharshylyqta jer aýǵandar tobynda bul kisiler de bolǵan.
Qasym aǵaıyndas týysy Qarlybaev aǵasynyń úıinde jatyp mektepte oqyǵan. Halyq jaýy bolyp ustalyp ketken Qarlybaev Ábdireı 1938 jyly Novosibirde birge atylǵan.
Qasymnyń ákesi Naýryzbaev Mahambet Dúrııa, Talma degen ájelerimizben birge elge oralypty. Qasym Máskeýde joǵary oqý bitirip, Shymkent oblysynda partııa qyzmetterinde bolady. Máskeýde joǵary partııa mektebin bitirgesin Ortalyq komıtette, Almaty oblystyq partııa komıtetinde ákimshilik bóliminiń meńgerýshisi, Almaty qalalyq atqarý komıteti tóraǵasynyń orynbasary qyzmetterin atqardy. Sodan soń zeınetke shyqty.
Alǵashqy jeńgemiz orys qyzy, odan bir ul Mıhaıl Naýryzbaev (Ýálıhan ájesiniń qoıǵan aty) Qasymuly tehnıka ǵylymdarynyń doktory, professor akademık, Qazaqstan Respýblıkasy Memlekettik syılyqtyń laýreaty, buryn Qazaq ulttyq ýnıversıtetinde prorektor, dekan, kafedra meńgerýshisi Shymkenttegi hımııa-tehnologııa ınstıtýtynda rektor qyzmetterin atqarǵan, qazir hımlaborotorııanyń dırektory, bir qyz – Naýryzbaeva Tatıana Qasymqyzy (ájesiniń qoıǵan aty Arshagúl) qazirgi T.Júrgenov atyndaǵy óner akademııasynda kafedra meńgerýshisi, dekany bolyp qyzmet atqardy, aýyr keselden jastaı ketti.
Qasym aǵamyzdyń ekinshi áıeli Lıla О́tegenqyzy shymkenttik, Abaı atyndaǵy ýnıversıtette kafedra meńgerýshisi, fılosofııa ǵylymdarynyń kandıdaty, Máskeýdiń M.Lomonosov atyndaǵy ýnıversıtetiniń fılosofııa jáne quqyq fakýltetinde M.S.Gorbachevpen bir topta oqyǵan. Ol jeńgeıden Raýshan jáne Arystan degen eki bala bar. Qyzmette, Almatyda.
Qasym Naýryzbaev qyzylordalyq bolǵanmen qyrýar kúsh-jigeri men bilimin Shymkent, Almaty oblystary men Almaty qalasyn órkendetýge jumsady.
Maqalada aǵamyzdy óte pań, tákappar degeni shyn minez-qulqyna kelińkiremeıdi. Az sóılep, kóp tyńdaıdy, oılanyp jaýap beredi, Ádildikti, adaldyqty, tazalyqty qurmetteıdi. Bireýlerdiń ótkinshi qyzmet dárejesine jalpaqtaýdy bilmeıtin. Adamdy, azamatty ardaq tutatyn. Sol adaldyǵynyń arqasynda Almaty qalasynyń ot-jalynyna sharpylmaı biraz jyl qyzmet atqardy. Aryzǵa, ósekke ilinbedi.
Al Qarlybaev týǵan aǵam edi, atylǵan soń famılııamdy ózgerttim, Qarlybaevtyń ornyna úlken atamyzdyń atymen Naýryzbaev boldym degen jeri shyndyqqa jýyspaıdy. Uly Naýryzbaev Mıhaıl Qasymuly, telefony 87015118359. Surastyrýǵa bolady.
Ábdireı Qarlybaevtyń týystary: Qosan Áýesbaev 1931 jyly týǵan, tyl ardageri, Tereńózek kentinde turady. Úı telefony 21-9-68
Baımahanov Qojahmet Mádibaıuly Qyzylorda qalasynda turady, 1953 jyly týǵan, burynǵy Qazaq SSR Joǵarǵy Keńesiniń, keıin Parlament Senatynyń depýtaty, Jalaǵash aýdany, Qyzylorda qalasynyń ákimi laýazymdarynda bolǵan.
Men joǵaryda atalǵan keıipker aǵalardyń inisimin. Buryn komsomol, partııa, aýylsharýashylyq qyzmetterinde boldym. Telefonym: 87774572350, qyzmet 31759, úı 31348.
Qurmetti Záke! Sizdi bizben tabystyryp jatqan 60 jyl boıy úzilissiz oqyp júrgen dostas gazetim «Sosıalıstik Qazaqstan», qazirgi «Egemen Qazaqstanǵa», onyń basshylaryna úlken alǵys aıtamyn. Qadirli Záke, Qojahmet Baımahanovpen Qosan Áýesbaev aǵamyzben habarlasqanyńyz jón bolar edi. Qarlybaev jaıly biraz jaıdyń aqıqatyn solar aıtyp bere alady.
Birjan KО́ShTAEV,
tyl jáne eńbek ardageri, derbes zeınetker, Jalaǵash aýdanynyń
qurmetti azamaty
Qyzylorda oblysy