ASTANA. 18 mamyr. «Habar» agenttigi aksıonerlik qoǵamynyń basqarma tóraıymy laýazymyna Almagúl Ahmetjanova taǵaıyndaldy. Bul týraly khabar.kz-ke silteme jasaǵan egemen.kz tilshisi habarlady.
Búgin Aqparat jáne kommýnıkasııalar mınıstri Dáýren Abaev «Habar» agenttiginiń ujymyna jańa basshyny tanystyrdy.
Almagúl Ahmetjanova 2016 jylǵy 16 mamyrda Memleket basshysynyń ókimimen Qazaqstan Prezıdentiniń baspasóz hatshysy bolyp taǵaıyndalǵan Aıdos Úkibaıdyń laýazymyna ornalasady.
Almagúl Aýǵalıqyzy Ahmetjanova 1975 jylǵy 4 jeltoqsanda Almaty qalasynda týǵan. Ál-Farabı atyndaǵy Qazaq memlekettik ulttyq ýnıversıtetin 1998 jyly «áleýmettaný» mamandyǵy boıynsha támamdaǵan. Magıstr dárejesi bar.
Almagúl Ahmetjanova agenttiktegi óz eńbek jolyn 1999 jyly redaktor jáne prodıýser laýazymynda bastady. 2002-2004 jyldary baǵdarlamalar dıreksııasynyń jetekshisi, 2005-2011 jyldary baǵdarlamalar dıreksııasynyń dırektory, 2012 jyldan bastap búginge deıin basqarma tóraǵasynyń birinshi orynbasary laýazymynda qyzmet etti.
«Habar» agenttigi aksıonerlik qoǵamy medıa holdıngi 1995 jyly quryldy. Qazaqstanda jáne shet elde qazaq, orys jáne aǵylshyn tilderinde habar taratatyn «Habar» arnasy, jerseriktik arna Kazakh TV, táýlik boıy aqparat taratatyn 24 KZ jáne mádenı-aǵartýshylyq «Bilim jáne Mádenıet» atty tórt arnadan turady.
Aıan Ábdýálı.
Derek: khabar.kz.
Foto: 24.kz.