QARAǴANDY. 18 mamyr. Keshe Qaraǵandy oblysyndaǵy Aqtas eldi mekeninde turǵyndar arasynda bolǵan kıkiljiń kezinde myltyq atylyp, saldarynan bir adam qaza tapty. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Qazirgi ýaqytta turǵyndar arasynda týyndaǵan janjaldyń naqty sebepteri anyqtalýda. Kıkiljiń kezinde buzaqylardyń biri qarý alyp, 34 jastaǵy er adamdy atqan. Aýyr jaraqat alǵan ol aýrýhanaǵa jetpeı qaıtys bolyp ketti.
Qylmystyq polısııa qyzmetkerleri kúdiktini sol kúni qamaýǵa alyp, oq atylǵan myltyqty tárkiledi. Ol óziniń kinásin tolyǵymen moıyndady.
Oqıǵaǵa qatystylardyń barlyǵy anyqtalyp, olardy ustaý boıynsha tıisti sharalar iske asyrylyp jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Foto: nahnews.org.