tapsyratyndar qaı pándi kóbirek tańdaıdy?
Mamyr aıy keldi degenshe mektep bitirýshi jastardan maza qashady. Alda – úlken synaq. Maýsymnyń alǵashqy kúnderinde bastalyp, bel ortasyna deıin sozylatyn bul synaqqa sońǵy daıyndyqtar qyzý júrýde. Ár túlektiń júrekteri lúpil qaǵyp, keýdeleri úmitke toly. Bıyl jambyldyq 44 mektep bitirýshi halyqaralyq olımpıadalar men ǵylymı jobalardyń jeńimpazdary retinde ulttyq biryńǵaı testileýdi tapsyrýdan bosatylady. Sondaı-aq, 220 oqýshy «Altyn belgige», 84 oqýshy úzdik attestatqa úmitker. 64 mektep bitirýshi memlekettik grant ıegerleri. Jáne 2496 mektep bitirýshi dástúrli emtıhandar tapsyrady. Aýdandarda mektep bitirýshilerdiń ulttyq biryńǵaı testileýin uıymdasqan túrde ótkizý úshin olardyń tamaqtanýyna, tasymaldaýyna jáne jatyn ornyna 16 mln. 990 myń teńge bólingen.
О́tken jyly testileýde jambyldyq mektep túlekteri arǵy jylǵa qaraǵanda ózderiniń jaqsy daıyndyqtaryn kórsetken bolatyn. Iаǵnı, oblystyń ortasha baly – 78,6-ny qurap, 2014 jylmen salystyrǵanda 6,2 balǵa ósken-di. Mine, osy UBT-da joǵary nátıje kórsetken Taraz qalasyndaǵy №1, 40, 41, 45 gımnazııalary men oblystyq daryndy balalarǵa arnalǵan 3 mektep-ınternattyń bazasynda osy bilim oshaqtarynyń ozyq is-tájirıbeleri taratyldy.
– «EDTECH-KZ» Halyqaralyq bilim ortalyǵy ókilderiniń qatysýymen 2015 jyldyń qarashasy men 2016 jyldyń naýryz aılarynda 10, 11 synyp oqýshylary arasynda 2 ret testileý ótkizip, oǵan 18 493 oqýshy qatysty, – deıdi О́ńirlik kommýnıkasııalar qyzmetinde ótken brıfıngte Jambyl oblystyq bilim basqarmasy basshysynyń orynbasary Jámıla Bekbatyrova. – Test nátıjesi boıynsha oqýshylardyń tańdaý basymdyǵy – bıologııa, fızıka, geografııa, aǵylshyn tili pánderine berilgendigi anyqtalyp, UBT kórsetkishiniń ósýi osy pánderdi sapaly oqytýǵa qatysty ekendigine, tehnıkalyq qatelikterge jetkilikti mán berý jóninde usynys berildi.
Jalpy alǵanda, 2015-2016 oqý jylynda Jambyl oblysyndaǵy 316 jalpy bilim beretin orta mektep 8561 oqýshy bitirgeli otyr. Sonyń 6065-si, ıaǵnı 70,85 paıyzy UBT tapsyrýǵa ótinish bergen. 6065 oqýshynyń 35,6 paıyzy qala, 64,4 paıyzy aýyl mektepteriniń túlekteri eken.
Endeshe, iske sát, jas túlekter!
Oralhan DÁÝIT,
«Egemen Qazaqstan»
Jambyl oblysy