Osy jalpyǵa ortaq shart (budan ári – Shart) budan ári «Operator» dep atalatyn Qazaqstan Respýblıkasy Kólik jáne kommýnıkasııa mınıstrligi 24.08.1998 j. bergen MTK № DS 0000317 «Qazaqstan Respýblıkasynyń aýmaǵynda GSM standartynyń uıaly baılanysynyń qyzmetin usyný jónindegi kásipkerlik qyzmetimen aınalysýǵa arnalǵan» Qazaqstan Respýblıkasynyń Memlekettik Lısenzııasy (budan ári – «Lısenzııa») negizinde is-áreket jasaıtyn «KaR-Tel» jaýapkershiligi shekteýli seriktestiginiń budan ári «Abonent» dep atalatyn onda aıqyndalǵan talaptarǵa sáıkes osy Shartqa qosylǵan tulǵaǵa uıaly baılanys qyzmetin usyný talaptaryn aıqyndaıdy.
1. Shart máni
1.1. Osy Shart boıynsha Operator Abonentke tańdalǵan Tarıftik josparǵa sáıkes uıaly baılanys qyzmetin (budan ári – «Qyzmetter») kórsetedi, al Abonent osy Shartpen kózdelgen tártippen Operator kórsetetin qyzmetterdi tóleıdi.
1.2. Operator Abonentke Abonenttik nómirdi jáne sáıkestendirý kartasynyń nómirin (SIM-kartasyn) bóledi.
1.3. Operator Abonentke mynadaı negizgi Qyzmetterdi kórsetedi:
– shuǵyl shaqyrýlardy qosa alǵanda, daýys baılanysynyń qyzmeti;
– qysqa mátindik habarlamalardy jiberý qyzmetteri.
1.4. Uıaly baılanys jelisiniń múmkindikterine qaraı Operator anyqtaǵan tizimdegi kórsetiletin qosymsha qyzmetter Abonenttiń ótinishi boıynsha usynylady.
1.5. Kelisim-shart boıynsha Operatordyń Abonent tańdaǵan Tarıf jospary, qosymsha kórsetiletin qyzmetter tizimi, sonymen qatar naýqandar týraly aksııalar Operatordyń saıtynda, Operatordyń jáne/nemese úshinshi tulǵalardyń keńselerinde jazylady jáne/nemese qysqa mátindik habarlamalar jiberý arqyly jáne/nemese Operatordyń Qyzmetteri týraly jarnamalyq materıaldarynda jáne/nemese Operatordyń aqparattyq-anyqtamalyq qyzmetterinde jarııalanady. Osyǵan oraı Abonent Operatordyń qosymsha qyzmetterine tapsyrys bere otyryp, sol qyzmetterdiń kórsetilý sharttarymen, tarıftelýi, tólem joldaryn jáne ony alýǵa óz kelisimin beredi.
Operator Qyzmetteriniń tizimi osymen toqtap qalmaıdy jáne ony Operator tolyqtyryp otyrýy múmkin.
2. Jalpy erejeler
2.1. Osy Sharttyń maqsaty úshin mynadaı negizgi túsiniktemeler qoldanylady:
Abonent – osy maqsat úshin Abonenttik nómirdi jáne (nemese) sáıkestendirý kodyn bóle otyryp, osy Shart onymen jasalǵan jeke nemese zańdy tulǵa.
Abonenttik nómir – osy Shartty jasaý kezinde Abonentke bólinetin jáne onymen basqa abonenttik qurylǵylardy qosý kezinde Abonenttik qurylǵyny Operator jelisine qosýdy sáıkestendirýshi telefon nómiri.
Abonenttik qurylǵy – Abonent tapsyrǵan aqparatty berý nemese qabyldaý úshin elektr baılanysy dabyldaryn qalyptastyratyn nemese Operator jelisine qosylatyn jeke paıdalaný baılanysy quraly.
Symsyz modem (USB-modem) – bul aqparattardy jiberip/qabyldaý úshin Ǵalamtorǵa qosylýǵa Operator jelisin paıdalanatyn jiberip-habarlaýshy. Uıaly baılanystyń jelisin qoldaný úshin modemge SIM-karta salynady.
Tarıftendirý birligi – Abonent tańdaǵan Tarıftik josparǵa sáıkes Operator kórsetetin Qyzmetterdiń tıisti túri úshin tólem alynatyn aqparattyń ýaqytyn, sanyn nemese kólemin ólsheý birligi.
Operatordyń qyzmet kórsetý aımaǵy – Operator Lısenzııaǵa jáne óz jelisiniń tehnıkalyq múmkindikterine sáıkes Qyzmetter kórsetetin aýmaq.
Sáıkestendirý (ıdentıfıkasııalyq) kody – óndirýshi-zaýyt ıemdengen abonenttik qurylǵy nemese abonenttik stansııa baılanys operatory jelisine qosylǵanda jiberiletin kod.
Ekspress tólem kartasy – Operator jelisinde Abonenttiń qoljetimdiliginiń jasyryn jeke kody bar, Abonentke Operator qyzmetterin kórsete alatyn qarajat mólsheri kórsetilgen, sonymen qatar belsendirý tártibimen Operator óndirgen karton nemese plastıkalyq karta.
Jeke kabınet – Kompanııa saıtyndaǵy Abonenttiń jeke bólimi, oǵan tirkelgennen keıin, Abonent jeke málimetteri týraly, baılanys qyzmetteriniń shottaryn (tólemder, shot jaǵdaıy, shot boıynsha egjeı-tegjeıli aqparat), tarıf josparlary men qosymsha qyzmetter týraly aqparat alady. Tarıf jospary men eseptesý júıesiniń sharttaryna sáıkes jeke eseptik jazbalaryn, jeli qyzmetterin, abonenttik qyzmet kórsetýdi (qosymsha qyzmetterdi qosý/ajyratý, teńgerimdi toltyrý, tarıf josparyn aýystyrý jáne basqalar) basqarýdy júzege asyrady.
Derbes shot – Abonenttiń Operator qyzmetterin tóleýge engizilgen aqshalaı qarajatynyń túsýi men jumsalýyn, sondaı-aq Operator Qyzmetteriniń kórsetilgen kóleminiń esebin júrgizýge arnalǵan Operatordyń analıtıkalyq esep qujaty (Operatordyń avtomattandyrylǵan esep aıyrysý júıesindegi elektrondyq faıl).
Abonenttiń uıaly baılanys qyzmetterin qoldanýy jáne tólemderdiń túsýi boıynsha jasalǵan amaldardyń esebin júrgizýge arnalǵan Operatordyń analıtıkalyq esep (Operatordyń avtomattandyrylǵan esep aıyrysý júıesindegi elektrondyq faıly) qujaty.
Praıs-paraq – olardyń qunyn kórsete otyryp, Operator kórsetetin Qyzmetterdiń retke keltirilgen tizbesi.
Eseptik kezeń (esep aıyrysýdyń nesıelik tártibi úshin) – ol merzim ishinde Abonent osy Shart boıynsha Operator kórsetken Qyzmetterdi tóleıtin Eseptik kezeńniń aıaqtalýynan keıingi otyz kúntizbelik kún.
Tirkeý paraǵy – Abonent týraly málimetterdi, Abonenttik nómir týraly aqparatty jáne osy Kelisim-shartty jasasý barysynda tańdalǵan Tarıftik jospar týraly aqparatty qamtıtyn osy Kelisim-shartqa qosymsha.
Roýmıng – Operatordyń basqa uıaly baılanys operatorlary arasyndaǵy roýmıngtik kelisim negizinde basqa uıaly baılanys operatory jelisinde Abonenttiń uıaly baılanys qyzmetin usynýy.
Operator Saıty – Operatordyń Internet (Ǵalamtor) jelisindegi www.beeline.kz meken-jaıyndaǵy aqparattyq resýrsy (derekkóz).
Tarıftik jospar – Operatordyń abonentterge nemese abonentterdiń belgili bir tobyna ne belgili bir shekteýli aýmaqta belgileıtin tarıftik usynystarynyń júıesi.
Eseptik kezeń – Qyzmetter kórsetilgen jáne eseptelingen kúntizbelik aı.
Shartty soma – Abonenttiń aqshalaı ekvıvalenttigi kórinistegi Qyzmetterdi alýǵa arnalǵan quqyqtarynyń kólemi.
Operator qyzmetteri – Operatordyń abonentke kórsetetin negizgi jáne qosymsha uıaly baılanys qyzmetteri.
SIM-karta – Abonentti sáıkestendiretin jáne Abonenttiń Operator qyzmetterine qoljetimdiligin qamtamasyz etetin Abonenttik qurylǵynyń bóligi bolyp tabylatyn mıkroprosessorlyq modýlden turatyn derbes qoljetimdilik kartasy.
2.2. Shart jarııa bolyp tabylady, Sharttyń talaptary Qazaqstan Respýblıkasynyń qoldanystaǵy zańnamasyna jáne Lısenzııaǵa sáıkes ázirlengen jáne Operator derbes ornatady. Sharttyń talaptaryn Abonent Sharttyń ajyramas bóligi bolyp tabylatyn Tirkeý nysanyna (Shartqa №1 Qosymsha) qol qoıý arqyly tutastaı alǵanda, oǵan qosylý jolymen qabyldaýy múmkin.
2.3. Abonenttiń osy Shart boıynsha quqyqtary men mindetteri Qazaqstan Respýblıkasynyń qoldanystaǵy zańnamasynda jáne osy Shartta belgilengen tártippen basqa tulǵalarǵa berilýi múmkin emes. Operator Qazaqstan Respýblıkasynyń qoldanystaǵy zańnamasyna sáıkes basqa zańdy jáne jeke tulǵalardy óz qyzmetin júzege asyrý úshin tartýǵa quqyly.
2.4. Operator Qazaqstan Respýblıkasynyń qoldanystaǵy zańnamasyna sáıkes osy Shartty oryndaý kezinde Abonent týraly qyzmettik aqparattyń (telefon nómirleri, sáıkestendirý kodtary, elektrondyq poshta meken-jaıy, poshta meken-jaıy, jeke tulǵa úshin jeke sáıkestendirý nómiri, derektemeler (zańdy tulǵalar úshin) bıznes sáıkestendirý nómiri, qosylǵan qun salyǵy boıynsha esepke qoıý týraly kýálik), bılıngtik málimettiń jáne Abonentke usynylatyn Qyzmetter týraly málimettiń, derekterdi berý jelisindegi Abonenttiń meken-jaıynyń, derekterdi berý jelisindegi Internet resýrstarǵa júginý meken-jaılarynyń, Internet resýrstyń sáıkestendirýshileriniń, derekterdi berý jelisiniń hattamalarynyń elektrondyq esebin júrgizedi. Abonent Tirkeý paraǵyn toltyryp, osy Shartqa otyrǵannan keıin osy Shart boıynsha talaptardyń oryndalýy maqsatynda Operatordyń onyń ishinde, úshinshi tulǵalardy tarta otyryp, Abonent týraly qyzmettik aqparatty jınaýdy, saqtaýdy jáne paıdalanýdy júzege asyrý quqyǵyna kelisimin bildiredi jáne qarsy emes. Operator óz qyzmeti sheńberinde olardy Abonenttiń qosymsha kelisimin almastan ýákiletti organdarǵa jáne (nemese) uıymdarǵa berýge quqyly.
2.5. Operatordyń Qyzmet kórsetý aımaǵynda Operator usynatyn uıaly baılanys sapasy Qazaqstan Respýblıkasynda qoldanylatyn standarttar men tehnıkalyq normalarǵa sáıkes keledi.
2.6. Radıotolqyndardyń taralýynyń tabıǵı jaǵdaılaryna baılanysty uıaly baılanys qyzmetteriniń sapasy qolaısyz meteorologııalyq jaǵdaılardyń, topografııalyq kedergilerdiń saldarlarynan (jer ústi jáne jer asty turǵyn úı jáne turǵyn úı emes qurylystardyń, ǵımarattardyń, ımarattardyń janynda, sondaı-aq, olardyń ishinde, releftiń jáne qurylystardyń mańynda), energııa kózderiniń janynda, týnnelderde, jertólelerde, tehnıkalyq sebepterge baılanysty, sondaı-aq, Operatordyń qyzmetimen baılanysty ózge de sebepterge oraı nasharlaýy, úzilýi, kedergilerge ushyraýy nemese bolmaýy múmkin. Atalǵan sebepterdiń saldarynan baılanystyń nasharlaýy nemese bolmaýy Operatordyń óz mindettemelerin tıisti oryndamaý faktisi bolyp tabylmaıdy.
2.7. Uıaly baılanys jelisiniń konstrýktıvti erekshelikterine baılanysty Abonentke usynylatyn uıaly baılanys Operatordyń quzyretinen tys ornalasqan basqa baılanys operatorlary (onyń ishinde, abonentterdiń) jáne paıdalanýshylardyń jabdyqtarynyń sapasyna baılanysty bolady.
3. Operatordyń quqyqtary men mindetteri
3.1. Operator mynalarǵa:
1) Sharttyń qoldanylý merziminde Abonenttik nómirdi Abonentke paıdalanýǵa berýge jáne osy Sharttyń talaptaryna sáıkes Operatordyń jelisine Abonenttiń Abonenttik qurylǵysyn qosýǵa;
2) Abonenttiń tańdap alǵan Tarıf josparyna sáıkes negizgi qyzmetter kórsetýge;
3) О́tinish negizinde Abonentke qosymsha qyzmetter kórsetýge;
4) Operatordyń áreket etý aıasynda Abonentke osy Sharttyń talaptaryna sáıkes qyzmet kórsetýge;
5) Abonentke tizimi Qazaqstan Respýblıkasynyń zańnamasynda aıqyndalǵan shuǵyl medısınalyq, quqyq qorǵaý, órt, apat, anyqtama jáne basqa da qyzmettermen tegin qosylýlardy usynýdy qamtamasyz etýge;
6) Abonentterdiń qyzmet kórsetý oryndarynda, Operatordyń aqparattyq saıtynda ony ornalastyrý jolymen jáne/nemese Qazaqstan Respýblıkasynyń qoldanystaǵy zańnamasyna qaıshy kelmeıtin ózge de osy shartta qarastyrylǵan tásildermen Abonentterge operator jáne kórsetiletin uıaly baılanys qyzmetteri týraly tolyq jáne shynaıy aqparatty usynýǵa;
7) Qyzmetterdi paıdalanýdyń máseleleri boıynsha Abonentke tegin keńes berýdi uıymdastyrýǵa;
8) Operatordyń normatıvtik-tehnıkalyq qujattaryna sáıkes kórsetiletin Qyzmetterdiń kemshilikterin joıý jónindegi sharalardy qabyldaýǵa;
9) Abonenttiń jazbasha ótinishi boıynsha Operatordyń kinási boıynsha baılanystyń bolmaýy jaǵdaıynda Qyzmetter úshin tólemdi qaıta esepteýdi júrgizýge;
10) Abonentke (jeke basyn kýálandyratyn qujatty usyný kezinde) Abonent alǵan aǵymdaǵy Eseptik kezeńdegi Qyzmetter, olardy paıdalaný ýaqyty, olardyń uzaqtyǵy men quny týraly, Abonenttiń Operatordyń ofısine tıisti jazbasha ótinishimen Abonenttiń kelýi kezinde baılanystyń basqa paıdalanýshylarymen barlyq shyǵys qosylystary týraly aqparatty tegin usynýǵa mindetti. О́tken Eseptik kezeń úshin atalǵan aqparatty usyný Abonentke mólsheri Praıs-paraqta kórsetiletin tólemge usynylady;
11) eger shottardy jetkizý qyzmeti Abonenttiń tańdalǵan esep aıyrysý tártibinde kózdeletin bolsa, osy Shartta kórsetilgen meken-jaı boıynsha nemese elektrondyq poshta boıynsha Abonentke Qyzmetter úshin shotty qoıýǵa jáne olardy tegin jetkizýge;
12) Abonentke olardy alý sátinen bastap 30 (otyz) kúntizbelik kúnnen keshiktirmeı jazbasha júginýlerge nemese talap-aryzdarǵa jazbasha jaýapty jiberýge;
13) Abonentke kórsetilgen Qyzmetter úshin artyq tólengen aqsha qarajatyn qaıtarýǵa nemese olardy Qyzmetterdi avanstaý retinde esepteýge;
14) táýlik boıy rejiminde Abonentti aǵymdaǵy shottaǵy aqsha teńgerimin tekserý múmkindigin qamtamasyz etýge;
15) Abonenttiń tólemdi rastaýyn Operatordyń alýy nemese Qyzmetterdi tóleý jónindegi bereshekti joıýyn rastaıtyn qujattardy alýy sátinen bastap 24 saǵat ishinde Qyzmetterdi kórsetýdi jańǵyrtýǵa;
16) Abonenttiń Derbes shotyndaǵy aqshalaı qarajatynyń mólsherine baılanysty Abonentke kórsetiletin Qyzmetter kólemin shekteýge;
17) Qazaqstan Respýblıkasynyń qoldanystaǵy zańnamasynda kózdelgen ózge de mindetterdi kóterýge mindetti.
3.2. Operator mynalarǵa:
1) Osy Sharttyń talaptaryna, sondaı-aq, jalpy qoljetimdi tásilmen (onyń ishinde: buqaralyq aqparat quraldary arqyly nemese qysqa mátindik habarlamalardy jiberý jolymen ne aqparatty Operatordyń saıtynda jáne (nemese) Operatordyń jáne (nemese) úshinshi tulǵalardyń ofısterinde ornalastyrý jolymen) Abonentti bul týraly habarlandyra otyryp, uıaly baılanystyń qyzmetterin kórsetý talaptaryna ózgerister (tolyqtyrýlar) engizýge quqyly. Osy Sharttyń talaptaryna ózgerister (tolyqtyrýlar) eger, Shartqa ózgeristerdi (tolyqtyrýlardy) engizý týraly Abonentti habarlandyrý sátinen bastap 30 (otyz) kúntizbelik kúnniń aıaqtalýy boıynsha osyndaı ózgeristerdi qabyldaýdan jazbasha bas tartýdy Operator almaǵan jaǵdaıda Abonent qabyldaǵan dep sanalady;
2) osyndaı ózgeristerdiń kúshine enýine deıin 15 (on bes) kúntizbelik kúnnen keshiktirmeı Abonentti jalpy qoljetimdi tásilmen (onyń ishinde: buqaralyq aqparat quraldary arqyly ne aqparatty Operatordyń saıtynda jáne (nemese) Operatordyń jáne (nemese) úshinshi tulǵalar ofısterinde ornalastyrý jolymen) Abonentti bul týraly habarlandyra otyryp, tarıfterdi ózgertýge, jańa Tarıftik josparlardy engizýge, ózgertýge jáne taratýǵa quqyly. Bul rette, osy Shart eger, Abonent ol boıynsha oǵan Qyzmetter kórsetilgen Tarıftik jospardy taratý týraly habarlama sátinen bastap 30 (otyz) kúntizbelik kún ishinde basqa Tarıftik jospar boıynsha qyzmet kórsetýge kóshpeıtin jaǵdaıda kúshin toqtatady;
3) Abonentten aldyn ala habarlamasyz Abonenttik qurylǵynyń joǵalýy nemese urlanýy, nemese únemi quzyrly emes basqa tulǵanyń qoldanýy týraly aqparattyń kelip túsýine, sondaı-aq Qazaqstan Respýblıkasynyń qoldanystaǵy zańnamasynda jáne osy Shartta kózdelgen jaǵdaılardaǵy bir jaqty tártippen Sharttyń kúshin toqtata turýǵa nemese toqtatýǵa;
4) Abonenttiń osy Sharttyń talaptaryn buzýy jaǵdaıynda Abonentke jazbasha habarlamany nemese qysqa mátindik habarlamany jiberý kúninen bastap 10 (on) kúntizbelik kúnniń aıaqtalýy boıynsha buzýshylyqtardy tolyq joıǵanǵa deıin Qyzmetterdi usynýdy toqtata turýǵa (Qyzmetterdi usynýdy jańǵyrtý buzýshylyqtardy tolyq joıýdan keıin Operatordyń tarıfteri boıynsha júrgiziledi);
5) Abonenttiń osy Sharttyń talaptaryn buzýy jaǵdaıynda, onda birneshe Abonenttik nómirlerdiń bolýy kezinde basqalary boıynsha bereshekti óteý esebine bir Abonenttik nómirler boıynsha Qyzmetterdi tóleýge alynǵan aqsha qarajatyn esepteýge nemese Abonentti aldyn ala habarlandyrýsyz barlyq Abonenttik nómirler boıynsha Qyzmetterdi usynýdy toqtata turýǵa;
6) qosymsha Qyzmetterdi kórsetý kezinde Operator Abonentti jalpy qoljetimdi tásilmen habarlandyra (onyń ishinde: qysqa mátindik habarlamalardy jiberý jolymen ne aqparatty Operatordyń saıtynda jáne (nemese) Operatordyń jáne (nemese) úshinshi tulǵalar ofısterinde ornalastyrý jolymen) otyryp, osyndaı Qyzmetterdi usyný talaptaryn belgileýge quqyly.
7) Avanstyq esep aıyrysý júıesi Abonentiniń kelisimimen nesıelik turǵyda Qyzmetter kórsetiledi. Avanstyq esep aıyrysý tártibiniń Abonentterine kórsetiletin qyzmetterdi Operator ózi belgileıdi. Operator nesıelik turǵyda kórsetken Qyzmetter qunyn Abonent óziniń derbes shotyn toltyrý arqyly tóleıdi jáne Operatordyń kórsetilgen qyzmetteriniń qunyn Abonent qyzmetke qosylǵanda derbes shot esebinen shyǵarýǵa kelisimin beredi.
8) Abonenttiń kórsetilgen Qyzmetter úshin bereshekteri bolǵan jaǵdaıda Abonent Sharttyń talaptary men Qazaqstan Respýblıkasynyń qoldanystaǵy zańnamasyna qaıshy kelmeıtin bereshekti óndirýge qajetti Shart aıasynda alynǵan aqparattardy úshinshi tulǵalarǵa jetkizýge qarsylyǵyn bildirmeı, óz kelisimin beredi, Operator bereshekti óndirý úshin úshinshi tulǵalardy jumyldyrýǵa quqyly.
11) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrýǵa quqyly.
4. Abonenttiń quqyqtary men mindetteri
4.1. Abonent mynalarǵa mindetti:
1) ony paıdalaný jónindegi nusqaýlyqqa sáıkes jáne belgili bir aýmaqta (áýejaı, ushaq jáne basqalary) qoldanylatyn erekshe ókimder men erejelerdi, sondaı-aq, múmkin bolatyn kedergilerdiń týyndaýy jaǵdaıyndaǵy nemese qaýipti jaǵdaıdaǵy shekteýlerdi (medısınalyq mekemeler, tehnıkalyq qyzmet kórsetý stansııalary, otyndy saqtaý jáne tıep-túsirý aýmaqtary, jarylys jumystaryn júrgizý oryndary jáne basqalary) eskere otyryp, Qazaqstan Respýblıkasynyń aýmaǵyndaǵy qoldanystaǵy standarttarǵa jaýap beretin sáıkestik sertıfıkaty bar tıisti sapadaǵy Abonenttik qurylǵyny paıdalanýǵa;
2) Abonent qyzmet kórsetý sharttarymen muqııat tanysyp, Operatorǵa durys toltyrylǵan, qol qoıylǵan Tirkeý paraǵyn Operatorǵa tapsyrýǵa;
3) Sharttyń talaptaryna, tańdalǵan esep aıyrysýlarǵa jáne Tarıftik josparǵa sáıkes Qyzmetterdi ýaqytyly tóleýge;
4) Operatorǵa osy Sharttyń 2.4-tarmaǵyna sáıkes Abonent týraly málimetterge jatqyzylǵan shynaıy derekterdi usynýǵa mindetti. Atalǵan derekterdiń ózgerýi jaǵdaıynda osyndaı ózgerister sátinen bastap 5 (bes) kúntizbelik kún ishinde bul týraly Operatordy jazbasha habarlandyrýǵa;
5) jeke jáne sáıkestendirý kodtaryn qupııada saqtaýǵa mindetti. Jeke jáne/nemese sáıkestendirý kodyn joǵaltý nemese olarǵa úshinshi tulǵalardyń qoljetimdiligi týraly aqparattyń bolýy jaǵdaıynda bul týraly Operatorǵa jedel jazbasha nemese aýyzsha nysanda (aýyzsha nysanda habarlaǵan sátten 12 saǵattan kesh emes merzimde jazbasha nysanda) habarlaýǵa;
6) Abonenttik nómirdi úshinshi tulǵaǵa berý kezinde bul týraly Operatorǵa jedel habarlaýǵa jáne Shartty jańa Abonentke qaıta resimdeýge mindetti. Osy tarmaqta belgilengen tártipti buzýmen baılanysty úshinshi tulǵalardyń Abonenttik nómirdi paıdalanýy Abonentti Sharttyń talaptaryn oryndaý úshin jaýapkershilikten bosatpaıdy;
7) Abonenttik qurylǵyny, Abonenttiń sáıkestendirý kartasyn, USB –modemdi jáne Qyzmetterge baılanysty basqa da qurylǵylardy kámeletke tolmaǵan jasóspirimderdi qosa alǵanda, úshinshi tulǵalardyń paıdalanýlary men qoljetimdiligin qatań ózi baqylaýǵa;
8) SIM-kartanyń zaqymdanýy, joǵalýy, urlanýy jaǵdaıynda bul týraly Operatorǵa Operator qyzmetterin toqtatý ótinishimen jazbasha nemese aýyzsha nysanda (aýyzsha nysanda habarlaǵan sátten 12 saǵattan kesh emes merzimde jazbasha nysanda) habarlaýǵa;
9) Qazaqstan Respýblıkasynyń qoldanystaǵy zańnamasynda kózdelgen ózge de mindetterdi kóterýge mindetti.
4.2. Abonent mynalarǵa:
1) Operatordyń uıaly baılanys jelisin Qazaqstan Respýblıkasynyń qoldanystaǵy zańnamasynyń erejelerine jáne osy Sharttyń talaptaryna sáıkes qoldanystaǵy standarttarmen, tehnıkalyq normalarmen jol beriletin tásildermen radıotelefon sóılesýlerin júrgizý jáne aqparatty berý úshin paıdalanýǵa;
2) Operatordan Qazaqstan Respýblıkasynyń qoldanystaǵy zańnamasynda kózdelgen kólemde jáne tártippen Qyzmetterdi kórsetýdiń mazmuny men erekshelikteri, Qyzmetterdi tóleý tártibi týraly, Operator qyzmetiniń jumys rejımderi týraly aqparatty jáne basqa da aqparatty alýǵa;
3) Operator kelisimimen esep aıyrysý tártibin, Tarıftik jospardy, usynylatyn Qyzmetterdiń jıynyn tańdaýdy jáne/nemese aýystyrýdy Abonent ózine yńǵaıly jolmen júzege asyrýyna bolady:
– Jazbasha nysandaǵy ótinish berý;
– Abonenttik qurylǵynyń pernetaqtasynan sandar qısynyn (pármenin) terý;
– Jeke kabınete ózgeristerdi ózdik engizý.
4) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrýǵa quqyly.
4.3. Abonentke mynalarǵa:
1) basqa abonentterge Operatordyń Qyzmetterin paıdalanýǵa kedergi keltirýge;
2) basqa abonentterge olardyń kelisiminsiz (spam) Operatordyń jelisin paıdalana otyryp, jarnama, aqparattyq jáne basqa da materıaldardy jappaı jiberýdi júrgizýge;
3) Operator jelisiniń kez kelgen baǵdarlamalaryna, derekqorlaryna jáne basqa da baǵdarlamalyq elementterdi quraıtyn jelilerine ózdiginen (zańsyz) enýdi júrgizýge, sondaı-aq, Operator jelis jumysynyń buzylýyna alyp kelýi múmkin kez kelgen basqa da is-áreketterdi júzege asyrýǵa;
4) kez kelgen kommýtasııalyq qurylǵylar arqyly dabyldardy tonaldyq terýdiń kómegimen kiris jáne/nemese shyǵys shaqyrýlarynyń qaıta joldaýdy paıdalanýǵa;
5) sóılesýlerdiń tarıftelmegen ıntervaldaryn paıdalaný kezinde teris paıdalanýshylyqtarǵa, sondaı-aq marshrýtızasııany buzýmen baılanysty teris paıdalanýshylyqtarǵa jol berýge;
6) Operatordyń jelisi arqyly vırýstardan nemese basqa da zııandy quramdas bólikterden turatyn turatyn kez kelgen aqparatty nemese baǵdarlamalyq qamtamasyz etýdi berýge;
7) qosymsha qyzmettiń kez kelgen tásilimen alynǵan baǵdarlamalyq qamtamasyz etýdi nemese ıesiniń nemese zańdy quqyq ıesiniń ruqsatynsyz zııatkerlik menshik quqyǵynyń obektisi bolyp tabylatyn basqa da materıaldardy berýge, shyǵarýǵa nemese taratýǵa;
8) Abonenttik nómirdi jeliniń jumysyn buzýǵa jáne Operatorǵa zııan keltirýi múmkin lotoreıalardy, daýys berýlerdi, baıqaýlardy, vıktorınalardy, jarnamalardy, suraý salýlardy, jappaı jiberýlerdi, úshinshi tulǵalarǵa baılanys qyzmetterin usynýǵa, kesimdi baılanys jelisindegi, IR-telefonııadaǵy qoljetimdilik úshin shlıýzderdi ornatýǵa jáne basqa da is-sharalardy júrgizý úshin paıdalanýǵa tyıym salynady.
5. Operator Qyzmetteriniń quny jáne esep aıyrysý tártibi
5.1. Operator Qyzmetterdiń barlyq túrlerine arnalǵan tarıfterdi derbes belgileıdi jáne Tarıftik josparlarda kórsetiledi. Operator Tarıftik josparlardyń tizbesin, olardy paıdalaný talaptaryn, olarǵa engizilgen uıaly baılanys qyzmetterin jáne olardaǵy tarıfterdi aıqyndaıdy jáne Operatordyń saıtynda jáne (nemese) Operatordyń ofısterinde ornalastyrý arqyly jáne/nemese úshinshi tulǵalar nemese Qazaqstan Respýblıkasynyń qoldanystaǵy zańnamasynda shekteý qoıylmaǵan basqa da jolmen abonentterdiń nazaryna jetkiziledi.
5.2. Qyzmetter úshin tarıfter – Qazaqstan Respýblıkasynyń ulttyq valıýtasy – teńgede belgilenedi. Qyzmetterdi kórsetý úshin barlyq tólemder Qazaqstan Respýblıkasynyń ulttyq valıýtasy – teńgede júrgiziledi.
5.3. Radıotelefon qosylysy uzaqtyǵynyń esebi qabyldanǵan tarıfıkasııa birligine sáıkes júrgiziledi. Qazaqstan Respýblıkasynyń zańnamasynda bekitilgen tarıfıkasııa birliginiń az mólsheriniń trafıgi qyzmetterdiń atalǵan túri úshin tarıfıkasııa birlikteriniń tolyq mólsheri retinde tarıfteledi.
5.4. Qyzmetter úshin esep aıyrysýlar mynadaı esep aıyrysýdyń júıeleri arqyly Abonent tańdaǵan esep aıyrysýdyń tártibine baılanysty júzege asyrylady: esep aıyrysýdyń nesıelik tártibi, esep aıyrysýdyń avanstyq tártibi.
5.5. Operatordyń shotyna aqsha qarajatynyń túsýi nemese Operatordyń kassasyna aqsha qarajatyn engizý kúni tólem kúni (Abonenttiń teńgerimine aqsha qarajatyn aýdarý) dep sanalady.
5.6. Roýmıngte kórsetilgen qyzmetterdiń quny roýmıng seriktesteriniń beretin aqparaty kelip túsken saıyn esepteledi. Roýmıng barysynda kiris jáne shyǵys baılanys, onyń ishinde baǵyttaýlar Operator tarıfterinde kórsetilgendeı tólenýge jatady. Tarıfter men qyzmetterdi kórsetý sharttary Operator saıtynda jáne/nemese Operatordyń jáne/nemese úshinshi tulǵalar ofısinde kórsetilgen.
5.7. Qyzmet kórsetýge (Roýmıng jáne t.b.) jumyldyrylǵan baılanys operatorlary jáne úshinshi tulǵalarmen ózara esep aıyrysý ereksheligine qaraı keıbir jeke Qyzmetter quny keıingi Eseptesý kezeńiniń egjeı-tegjeıli shotyna qosylýy múmkin.
5.8. Esep aıyrysýdyń nesıelik tártibi.
1) Eseptik kezeńde Operator kórsetken Qyzmetterdi tóleýdi Abonent Operator qoıǵan shot negizinde Eseptik kezeń ishinde júzege asyrady. Osy Shartqa qol qoıý kezinde Abonent óziniń tańdaǵan Tarıftik josparynda belgilengen somadaǵy kepildi jarnany tóleıdi. Kepildi jarna roýmıng qyzmetin qosý kezinde de belgilengen. Bereshektiń bolmaýy kezinde kepildi jarna Shartty buzý kezinde nemese Abonenttik nómirdi esep aıyrysýdyń avanstyq tártibine kóshirý kezinde Abonenttiń jeke shotyna qaıtarýǵa jatady.
2) Abonenttiń osy Sharttyń 5.8-tarmaǵynyń 1) tarmaqshasynda kózdelgen kórsetilgen Qyzmetterdi Operatordyń tóleý merzimin buzýy jaǵdaıynda Operator aldyn ala jazbasha habarlandyrýsyz mynalarǵa:
a) Qyzmetterdi kórsetýdi toqtata turýǵa;
b) eger, Qyzmetterdi tóleý jónindegi bereshek Qyzmetterdi usynýdy toqtata turý sátinen bastap 30 (otyz) kúntizbelik kún ishinde ótelmeıtin bolsa, osy Sharttyń kúshin birjaqty tártippen toqtatýǵa quqyly.
3) Operator usynylatyn Qyzmetterdiń shegin (lımıtin) belgileýge quqyly. Lımıt mólsheri ótken kezeńder úshin Abonenttik nómir boıynsha sóılesýlerdiń jıiligin, shottardy tóleýdiń ýaqtylyǵyn jáne kepildi jarnanyń mólsherin eskere otyryp, esepteledi. Operator kórsetilgen Qyzmetterdiń qunynyń belgilengen shekten (lımıtten) asýy jaǵdaıynda Qyzmetterdi usynýdy toqtata turýǵa quqyly, al Abonent Operator kórsetken naqty Qyzmetter úshin tólem júrgizýge mindettenedi.
5.9. Esep aıyrysýdyń avanstyq tártibi
1) Abonent Qyzmetterdi tutynýdyń boljamdy kólemi mólsherinde avanstyq tólemder arqyly tańdalǵan Tarıftik josparǵa sáıkes Qyzmetterdi tóleıdi. Osy Shartqa qol qoıý kezinde Abonent Abonent tańdaǵan Tarıftik josparda belgilengen somada bastapqy avanstyq tólemdi engizedi.
2) Abonentke Abonenttermen esep aıyrysýdyń avtomattandyrylǵan júıesinde teńgerimin toltyrý úshin jeke shotynyń derbes nómiri usynylady. Abonent tólem qujattarynda ol boıynsha tólem júrgiziletin somany jáne teńgerimdi úshin oǵan usynylǵan shottyń derbes nómirin kórsetedi. Abonent avanstyq tólem somasyn Qyzmetterdi tutynýdyń boljamdy kólemin jáne Operatordyń qoldanystaǵy tarıfterin eskere otyryp, derbes aıqyndaıdy.
3) Abonent Operator Qyzmetteri úshin tólemdi jasamaı nemese der kezinde tólem jasamaǵan (avanstyq tólemdi tólemegen) jaǵdaıda Operator jelisinen naqty ajyratqanǵa deıin toqtata turady nemese Derbes shotty toltyrǵanǵa deıin Abonentke Qyzmet kórsetýdi shekteıdi.
4) Qyzmetterdi paıdalaný sharasy boıynsha Abonenttiń jeke shotynan Abonenttiń tańdalǵan Tarıftik josparyna sáıkes aıqyndalatyn tıisti somany avtomatty túrde esepten shyǵarady.
5) Operator Abonenttiń beresheginiń týyndaýyn boldyrmaý maqsatynda qosylýdy úzý arqyly derbes shotta qarjynyń taýsylýy sátinde Qyzmetterdi usynýdy toqtata turady.
6) Roýmıng qyzmetin qosý kezinde Operator kepildi jarna túrinde usynylatyn Qyzmetterdiń boljamdy kólemin belgileýge quqyly. Operator Abonenttiń kelisiminsiz belgilengen kepildi jarnadan kórsetilgen Qyzmetterdiń qunynyń asýy jaǵdaıynda Abonenttik nómir boıynsha Qyzmetterdi usynýdy toqtata turýǵa quqyly.
6. Taraptardyń jaýapkershiligi
6.1. Operator Qazaqstan Respýblıkasynyń qoldanystaǵy zańnamasynda kózdelgen tártippen shart mindettemelerin oryndamaǵany nemese tıisti oryndamaǵany, Qyzmetterdiń jarııalanǵan sapasy, Qyzmetter týraly aqparattyń shynaıylyǵy úshin Abonenttiń aldynda jaýapkershilikte bolady.
6.2. Operator eger, osy Shart boıynsha mindettemelerdi oryndamaý nemese tıisti oryndamaý mynalardyń saldarynan ekenin dáleldeıtin bolsa jaýapkershilikten bosatylady:
1) toıtarylmaıtyn kúsh jaǵdaıynda (órt, tilsiz qııapat, áskerı is-qımyldar jáne basqalary);
2) Operatordyń Shart boıynsha óz mindettemelerin oryndamaýyna alyp kelgen memlekettik organnyń aktini shyǵarýy;
3) Abonenttiń Qazaqstan Respýblıkasynyń zańnamasynda jáne osy Shartta belgilengen Qyzmetterdi kórsetý talaptaryn buzýy;
4) úshinshi tulǵalardyń Qyzmetterdi zańsyz paıdalanýy;
5) úshinshi tulǵalardyń ózge de is-áreketteri (áreketsizdikteri), sondaı-aq Operatordyń quzyretinen tys jaǵdaılar.
6.3. Operator mynalar úshin:
1) basqa baılanys operatorlary, sondaı-aq, basqa operatorlar usynatyn qyzmettermen Operatordyń Qyzmetterdi úılestirýi kezindegi qyzmetterdiń sapasy úshin;
2) Operatordyń jelini jáne (nemese) Qyzmetterdi paıdalana otyryp, úshinshi tulǵalar kórsetetin qyzmetterdiń sapasy men mazmuny úshin;
3) Abonenttiń, baılanysty paıdalanýshylardyń jáne ózge de tulǵalardyń Qazaqstan Respýblıkasynyń, onyń ishinde, avtorlyq jáne salalas quqyqtardy qorǵaý jónindegi qoldanystaǵy zańnamasyn saqtamaǵany úshin;
4) materıaldardy jáne (nemese) aqparatty alýǵa kelisim bergen Abonentke jeli jáne (nemese) Operatordyń Qyzmetteri arqyly úshinshi tulǵalarǵa jiberiletin jarnamanyń, aqparattyq jáne basqa da materıaldardyń jáne (nemese) ózge de aqparattyń mazmuny men nysany úshin;
5) Baılanys Operatory jelisinde júzege asyratyn jedel-izdestirý qyzmetin atqaratyn organdardyń is-áreketterine jáne osy organdardyń Abonent jáne kórsetilgen Qyzmetteri týraly aqparatty áshkereleýleri úshin, sondaı-aq quqyq qorǵaý organdarynyń Abonentke kórsetiletin Qyzmetti toqtatý jáne/nemese shekteý úshin;
6) úshinshi tulǵalar ákimdeıtin búkil álemdik Internet jelisiniń jeke túıinderi nemese resýrstarynyń qoljetimsizdigi úshin;
7) Qazaqstan Respýblıkasynyń qoldanystaǵy zańnamasynda kózdelgen ózge de jaǵdaılarda jaýapkershilikte bolmaıdy.
6.4. Osy Shartpen kózdelgen mindettemelerdi oryndamaýy nemese tıisti oryndamaýy, onyń ishinde, osy Sharttyń 4.3-tarmaǵynda belgilengen tyıym salýlardy buzý jaǵdaıynda Abonent Operatordyń aldynda jaýapkershilikte bolady jáne Operatorǵa tolyq kólemde shyǵyndardy ótýge mindetti. Abonenttiń osy Sharttyń 4.3-tarmaǵynda belgilengen tyıym salýlardy qaıta buzýy jaǵdaıynda Operator Shartty buzýǵa jáne keltirilgen shyǵyndardy óndirip alýǵa quqyly.
6.5. Qyzmetterdi tólemeý, tolyq emes nemese ýaqtyly emes tóleý jaǵdaıynda Abonent Operatorǵa árbir merzimi ótken kún úshin oryndalmaǵan mindetteme somasynan 0,1% mólsherinde ósimaqyny tóleıdi.
6.6. Abonenttik qurylǵynyń jáne/nemese SIM-kartanyń joǵalýy, urlanýy nemese ózge jaǵdaılarda bolmaýy kezinde Abonent Qyzmetterdi usynýdy toqtatý (toqtata turý) týraly 12 saǵat ishinde Operatorlyń Abonentten jazbasha ótinishti nemese odan keıingi jazbasha habarlandyrýmen aýyzsha ótinishti alýy sátine deıin Operator kórsetken Qyzmetterdi tóleý jónindegi mindettemelerdi alady.
6.7. Eger Operatordyń kinási boıynsha Qyzmetterdi usynýdyń dáleldengen eleýli buzylýy saldarynan oryn alatyn bolsa, Operatordyń jaýapkershiligi, Qazaqstan Respýblıkasynyń qoldanystaǵy zańnamasynda ózge belgilenbese, onda bekitilgen bir aılyq eseptik kórsetkishke teń somadan aspaýy tıis. Kez kelgen jaǵdaıda Operator alynbaǵan paıda, materıaldyq jáne (nemese) moraldyq shyǵyn túrindegi Abonenttiń múmkin bolatyn zalaldary úshin jaýapkershilikte bolmaıdy.
7. Sharttyń qoldanylý merzimi, ony buzý tártibi
7.1. Osy Shart Abonenttiń Tirkeý nysanyna qol qoıý kúninen bastap kúshine enedi jáne Qazaqstan Respýblıkasynyń qoldanystaǵy zańnamasynda jáne osy Shartta kózdelgen negizder boıynsha ony toqtatý sátine deıin kúshinde bolady.
7.2. Abonent kez kelgen ýaqytta birjaqty tártippen (birjaqty bas tartý) Shartty buzýǵa quqyly. Abonent Sharttan bas tartý týraly ótinishti Operatorǵa jazbasha nysanda usynýy tıis. Operatordyń Qyzmetterdi kórsetýdi naqty toqtatýy Abonenttiń jazbasha ótinishte kórsetilgen kúninen bastap júrgiziledi. Sharttyń buzylýy jaǵdaıynda Abonenttiń beresheginen bosatpaıdy.
7.3. Abonent bastamasymen Osy Kelisim-shartty buzý/toqtatý barysynda Operator Abonenttiń bereshegi bolmaǵan jaǵdaıda Abonentke onyń Jeke esebindegi aqshalaı qarajat qaldyǵy Abonenttiń Kelisim-shartty buzý jónindegi jazbasha jetkizilgen ótinishin tirkeý sátinen keıingi 30 (otyz) kúntizbelik kún ishinde qaıtarylady.
7.4. Abonenttiń osy Shart talaptaryn buzǵan jaǵdaıda, sonymen qatar Qazaqstan Respýblıkasynyń qoldanystaǵy zańnamasynda qarastyrylǵan basqa da jaǵdaılarda Operator osy Shartty birjaqty tártipte (birjaqty bas tartý) buzýǵa quqyly. Eger osy Shartta týra belgilenbegen bolsa, Operator Abonentke Shartty buzý týraly habarlama jiberedi. Bul jaǵdaıda Sharttyń kúshi Operator habarlamasynda kórsetilgen merzimnen bastap joıylady.
7.5. Kez kelgen negizdemeler boıynsha Shartty buzý kezinde Abonenttik nómir alynady, Abonenttiń menshigindegi Abonenttik qurylǵyny Operator satyp almaıdy, SIM-kartanyń, sondaı-aq, satyp alynǵan, biraq belsendirilmegen Ekspress tólem kartalarynyń quny Abonentke ótelmeıdi. USB-modemniń quny onyń belsendirilmegen jáne sapasy men jaǵdaıyna Operatordyń mini bolmaǵan jaǵdaıda qaıtarylady. Sharty buzý nemese toqtatý jaǵdaıynda Abonenttiń kelisiminsiz Abonenttik nómir alynyp, aldaǵy ýaqytta Operatordyń basqa Abonentine berilýi múmkin. Operatordyń kez kelgen aksııa aıasynda usynatyn bonýstar men jeńildikteri Abonentke qaıtarylmaıdy jáne quny tólenbeıdi.
8. О́zge sharttar
8.1. Osy Sharttyń talaptarymen rettelmegenderdiń barlyǵynda Taraptar Qazaqstan Respýblıkasynyń qoldanystaǵy zańnamasyn basshylyqqa alady.
8.2. Taraptar osy Shart boıynsha máseleler jónindegi barlyq daýlar men kelispeýshilikterdi Qazaqstan Respýblıkasynyń qoldanystaǵy zańnamasyna sáıkes sheshedi.
8.3. Osy Shart birdeı zańdy kúshi bar memlekettik jáne orys tilderinde jasalǵan. Memlekettik jáne orys tilderindegi Shart mátinderinde qaıshylyqtar bolǵan kezde orys tilindegi Shart mátinine basymdyq beriletin bolady.
9. Operatordyń derektemeleri:
«22-KaR-Tel» JShS, Zańdy meken-jaıy: Qazaqstan Respýblıkasy, 050040, Almaty q., Bostandyq aýdany, Kóktem-2 shaǵyn aýdany, 22-úı, tel. +7 727 3500606, faks +7 727 3500605, e-mail beeline@kartel.kz, STN 600900131390, IBAN KZ54826A1KZTD2008414 Almaty q. «ATF Bank» AQ fılıaly, BIK ALMNKZKA, BSN 980540000397.