Prezıdent Qasym-Jomart Toqaevtyń tóraǵalyǵymen ótip jatqan Úkimettiń keńeıtilgen otyrysynda Premer-mınıstr Oljas Bektenov óńdeý ónerkásibin damytýdy yntalandyrý boıynsha qabyldanyp jatqan sharalar týraly baıandady, dep jazady Egemen.kz.
«О́ńdeý ónerkásibiniń qazirgi ósý qarqyny ekonomıkany tolyqqandy ártaraptandyrý úshin jetkiliksiz. Buǵan qajetti serpin berý maqsatynda óńdeýshi kásiporyndardyń damýyn yntalandyratyn jobalar júzege asyrylyp jatyr», dedi Oljas Bektenov.
Búgingi tańda «Báıterek» holdıngi jelisi boıynsha qarjylandyrý tetikteri arqyly metallýrgııa, mashına jasaý jáne agroónerkásip kesheni salalarynda joǵary deńgeıde óńdelgen ónim shyǵaratyn jobalardy júzege asyrý jalǵasyp jatyr.
«Salalyq mınıstrlikterge ári qaraı óńdeýge baǵyttalǵan óndiris oryndaryn ashý máselelerin aldyn ala jan-jaqty pysyqtaý mindeti qoıyldy. Jalpy alǵanda, ótken jyly 200-den astam jańa óndiris orny iske qosyldy, taǵy osynsha nysannyń qurylysy aıaqtalýǵa jaqyn», dedi Premer-mınıstr.
О́ńdeý salasyna keletin ınvestısııa kóleminiń turaqty ósýi úshin ekonomıkany shıkizatpen qamtamasyz etý mańyzdy, soǵan baılanysty geologııalyq barlaý jumystaryn damytýǵa erekshe kóńil bólinedi.
10 kúnde jeńildetilgen nesıe: Úkimet bıznesti qoldaýdyń jańa tetikterin ázirlep jatyr
Premer-mınıstr 2025 jyly 1:50 000 masshtabtaǵy geologııalyq kartany ázirleý jumystary bastalǵanyn atap ótti. Ol qazir paıdalanylyp júrgen keńestik kezeńde jasalǵan 1:200 000 masshtabtaǵy kartanyń ornyna qoldanylady.
Prezıdent tapsyrmasyna sáıkes, aldaǵy 3 jylda memleket tarapynan geologııalyq barlaý jumystaryna shamamen 500 mln dollar ınvestısııa salynady. Salystyrý úshin aıta ketsek, sońǵy 30 jylda bul salaǵa barlyǵy 760 mln dollar jumsalǵan. Nátıjesinde perspektıvasy joǵary ýchaskelerde seısmıkalyq synaqtardan bastap aerogeofızıkalyq zertteýlerge deıin barlyǵy 100 myń sharshy shaqyrym aýmaq zertteledi. Keıin ár jyl saıyn qosymsha 30 myń sharshy shaqyrym aýmaqta barlaý jumystary júrgiziledi.
Shıkizat bazasyn ulǵaıtý maqsatynda memleket qarjysynan bólek, geologııalyq barlaýǵa jeke ınvestısııalar da tartylyp jatyr. 2023 jyldan beri onyń kólemi 500 mln dollardan asty.
Sondaı-aq Úkimet basshysy jergilikti bıýdjetterdiń respýblıkalyq bıýdjetke táýeldiligi 34%-ǵa deıin tómendeıtinin de atap ótti.
Oljas Bektenov bıyl 2,6 GVt dástúrli jáne jańartylatyn energııa kózderi iske qosý josparlanǵanyn da baıandady.