Jeksenbi kúni О́skemende aýa raıy qubyldy. Tús áletinde sirkireı bastaǵan soqyr jańbyr artynsha aq nóserge aınalyp, quıyp-quıyp jiberdi. Sálden soń satyr-sutyr muz burshaqtaryn tóge bastady.
Ár jerde shashylyp jatqan bul burshaqtar balanyń basyn oıatyndaı ájeptáýir iri eken. Jumyrtqadaı jaýburshaq deýge de bolady. Árıne, adam balasy tabıǵattyń qysastyǵyna qarsy kelýge qudiretsiz. Dese de, badanadaı burshaqtardy «jaý» demeske áddińiz joq. Kógerip kele jatqan kók óskin túıneginen, dáninen, dáneginen aıyrylyp qalady mundaı muzburshaqpen tópeleýden soń. Degenmen, oblystyq tótenshe jaǵdaılar departamenti tabıǵattyń tosyn minezinen zardap shegýshiler týraly habarlaǵan joq. Soǵan qaraǵanda, óńirdegi sharýashylyqtardy dıametri 2-3 santımetr bolǵan burshaqtyń bura soǵýynan saqtaǵan sııaqty.
Dýman ANASh,
«Egemen Qazaqstan»
О́SKEMEN