Ekonomıkany ártaraptandyrý – basty nazarda

Keshe  Parlament Májilisinde Qarjy jáne bıýdjet komıteti men «Nur Otan» partııasynyń frak­sııasy janyndaǵy Ekono­mıkalyq saıasat jónindegi keńe­siniń «Ekonomıkany damytý já­ne ártaraptandyrý, ınvestı­sııa­lar­dy tartý jáne klas­­terlerdi damytý másele­lerin­degi «Báıterek» holdın­giniń róli men orny» taqyry­byn­daǵy birlesken otyrys ótti. Otyrys jumysyna Parlament Májilisi Tóraǵasynyń orynbasary, «Nur Otan» partııasy fraksııasynyń jetekshisi Gúlmıra  Isimbaeva men «Nur Otan» partııasy fraksııasy janyndaǵy Ekonomıkalyq saıasat keńesiniń jetekshisi Beıbit Mamraev qaty­syp, basqosýdy Májilistiń Qar­jy jáne bıýdjet komıtetiniń tóraıy­my Gúljan Qaraqusova júrgizdi. Keńeıtilgen otyrys barysynda sóz alǵan Investısııalar jáne damý vıse-mınıstri Erlan Haırov 2010 jyldan beri elimizde ındýstrııalandyrý baǵdarlamasy iske asyrylyp jatqanyn aıta kele, naqty sektorda kóliktik, energetıkalyq jáne ónerkásiptik jobalardy esep­ke ala otyryp, 6 jyl ishinde bar­lyǵy 8700-den astam shaǵyn, orta jáne iri kompanııalarǵa qoldaý kórse­tilgendigin málimdedi. Sonymen qatar, osy arqyly 193 myń jumys orny ashylǵandyǵyn, bul degenimiz  árbir tórtinshi jańa jumys orny ekonomıka baǵytynda qurylǵanyn boljaýǵa bolatyndyǵyn atap kórsetti. Sondaı-aq, ónerkásip quryly­mynda birinshi ózgerister bastaldy. 2010 jyldan bastap 2015 jylǵa deıin JIО́-de taý-ken óndirisiniń úlesi 19,5 paıyzdan 12 paıyzǵa deıin tómendedi, dedi ol. Onyń aıtýyna qaraǵanda, álemdik daǵdarys jaǵ­daılarynda bank sektorynyń belgili bir problemalary týyndap otyr. Bul ekonomıkany jáne halyqqa nesıe berýdi qysqartýǵa áser etpeı qoımasy anyq. Otandyq ekono­mı­kadaǵy kúrdeli ahýaldy eskere otyryp, Memleket basshysy 2013 jyly «Báı­terek» holdıngin qurý týraly sheshim qabyldady. Ol bıznesti qol­daý quraldarynyń tıimdiligin arttyrý maqsatynda  qarjy ınstıtýttaryn biriktirdi, – dedi vıse-mınıstr. Bul rette E.Haırov jalpy ındýs­trııalyq baǵdarlamany iske asyrý ekonomıkany ártaraptandyrý úshin negiz bolǵanyn tuspaldaı kele, ótken jyly ındýstrııalandyrýdyń ekinshi bes jyldyǵyn júzege asyrý bas­talǵanyn eske saldy. Al ol dúnıe­júzilik eko­nomıkada prob­lema­lardyń ósý kezeńimen týra keldi. Syrtqy baza­lyq jaǵdaılardyń ózgerýi ındýs­trııalyq-ınnovasııalyq damýǵa teris áser etti. Jalpy shıkizat nary­ǵynda qolaısyz konıýnktýra, Qa­zaqstan eksporttaıtyn ónimge álemdik baǵanyń tómendeýi, BEK boıynsha Qazaqstan áriptesteriniń valıý­talarynyń birden qunsyzdanýy, qar­jylyq naryqtyń quldyraýy, sheteldik ınvestısııalar aǵynynyń qys­qarýy, sondaı-aq bıýdjettik qar­­­jy­landyrý múmkindikteriniń shek­­teý­liligi syrtqy jáne ishki su­ranys­tyń quldyraýymen súıe­meldendi, dedi ári qaraı vıse-mınıstr. Osy sebepti ekonomıkaǵa qatty syrt­qy qysymdardyń  saqtalýy jáne jańa syndardyń paıda bolýy jaǵdaı­larynda Memlekettik baǵ­darlamaǵa túzetýlerdi engizý talap etildi.  Son­dyq­tan, Memleket bas­shy­synyń tapsyr­masyna sáıkes, qazirgi ýaqytta mem­lekettik baǵdarlamany ózek­ten­dirýge qatysty jumystar atqa­ry­lýda. Otyrys birneshe baıandamalardyń oqylýy men talqylaýyna ulasyp, Májilis depýtattary kompanııa bas­shy­lyǵyna suraqtar qoıdy. Osy rette «Báıterek» holdınginiń qazirgi róli­ne baılanysty  birqatar  paıymdaryn aıtqan Májilis depýtaty Omarhan О́ksikbaev bul basqosýda «Báıterek» ulttyq basqarýshy holdınginiń ekonomıkalyq daǵdarys jaǵdaıyndaǵy róline tolyǵymen qanyq bolýdy maqsat tutqanyn jetkizdi. Osy rette Úkimetten jáne holdıngten «Báıterektiń» respýblıka ekonomıkasynyń aýmaǵynda ornynyń qaıda jáne qalaı ekendigin bilýdi qalaıtynyn jetkizdi. Elmıra MÁTIBAEVA, «Egemen Qazaqstan»