О́SKEMEN. 16 maýsym. Shyǵys Qazaqstan oblysynyń ákimi Danıal Ahmetovtiń ókimimen osyǵan deıin О́skemen qalasynyń ákimi bolǵan Temirbek Jumaqululy Qasymjanov Zaısan aýdanynyń ákimi bolyp taǵaıyndaldy. Oblys ákiminiń birinshi orynbasary Nurymbet Saqtaǵanov aýdan aktıvine jańa basshyny tanystyrdy.
Temirbek Qasymjanov 1957 jyly 20 tamyzda Shyǵys Qazaqstan oblysy Zaısan aýdany Jarsý aýylynda týǵan.
Ol 1981 jyly Tomsk qurylys-ınjener ınstıtýtyn «ınjener-qurylysshy», 1998 jyly Shyǵys Qazaqstan tehnıkalyq ýnıversıtetin «ınjener-ekonomıst, menedjer» mamandyǵy boıynsha bitirgen.
Eńbek jolyn Zaısan aýdanyndaǵy Qarabulaq keńsharynda jumysshydan bastaǵan. Joǵary oqý ornyn aıaqtaǵannan keıin Shyǵys Qazaqstan oblystyq turǵyn úı-kommýnaldyq sharýashylyǵynyń ınjeneri, bas ınjeneri boldy. Keıin О́skemen qalasynyń Oktıabr aýdandyq ákimshiliginiń orynbasary, birinshi orynbasary bolyp qyzmet atqardy. 2001-2008 jyldary oblystyq qurylys basqarmasy basshysynyń orynbasary, keıin basshysy laýazymdarynda boldy.
Temirbek Qasymjanov 2008 jyldyń tamyz aıynan 2009 jyldyń naýryz aıyna deıin О́skemen qalasynyń ákimi, 2009 jyldyń sáýirinen 2013 jyldyń mamyr aıyna deıin Jarma aýdanynyń ákimi qyzmetterin atqardy. Keıin qaıtadan 2016 jyldyń 20 sáýirine deıin oblys ortalyǵyn basqardy.
Dýman Anash.
Derek, foto: Shyǵys Qazaqstan oblysy ákimdiginiń baspasóz qyzmeti.