Jýyrda Oral qalasynyń prokýratýrasy jáne oblystyń quqyq qorǵaý organdarynyń, sottyń, memlekettik jáne jeke sot oryndaýshylarynyń qatysýymen sot sheshimderiniń oryndalmaýy, sonymen qatar alıment tóleýden jaltarý faktileri boıynsha sot-tergeý tájirıbesi, qylmystyq isterdi tergeýdiń ádistemesine qatysty máselelerge arnalǵan vedomstvoaralyq keńes ótti.
О́tken jyly, qala aýmaǵynda 8 804 qylmystyq quqyqbuzýshylyq tirkelgen. Al onyń 249 – sot sheshimderiniń oryndalmaýy, al 379-y – balalardy kútip-baǵýǵa arnalǵan qarajatty tóleý jónindegi mindetterin oryndamaý faktileri. Tirkelgen ister sanynyń kóp bolýyna qaramastan, sotqa tek bir is joldanǵan, al qalǵan 99 paıyzynda ister qysqartylyp, olar boıynsha tergeýdiń tolyqtyǵy qamtamasyz etilmegen.
Qazir qala aýmaǵynda 5 784 kisi alıment tóleýshi bolyp tabylsa, olardyń ishinde 28 paıyzy ǵana, ıaǵnı 1700 adam erikti túrde alıment tólep keledi. Al qalǵandary – qasaqana alıment tólemeıtinder. Olar sot oryndaýshylary men ishki ister organdarynan tabysyn jasyratyndar men jumys istemeıtinder.
Temir Qusaıyn.
Derek: oraloniri.kz.
Foto: newregion.kz.