«Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Ánýarbek Muhtarhanov aqparat jáne baılanys kúni merekesi qarsańynda óńirdegi buqaralyq aqparat quraldary ókilderimen kezdesip, tilshiler qaýymyn aldaǵy kásibı merekelerimen quttyqtady.
Partııa fılıaly tóraǵasynyń birinshi orynbasary jýrnalıstermen júzdesý barysynda tilshi qyzmetiniń qoǵamdaǵy mańyzy óte joǵary ekenin jetkizip, partııalyq jobalardyń óńirdegi júzege asyrylýy buqaralyq aqparat quraldarynda belsendi túrde nasıhattalyp otyrǵanyn, halyqtyń kókeıkesti máseleleri partııa fılıalynyń tóraǵasy Danıal Ahmetovtiń «Nur Otan» partııasy ǵımaratyndaǵy jeke qabyldaýy arqyly tolyq sheshimin taýyp kele jatqanyn atap ótti.
«Barshańyzdy kásibı merekelerińizben shyn júrekten quttyqtaımyn. Sizderge shyǵarmashylyq tabys jáne eńbekterińizge sáttilik tileımin. Sizder bıyl 25 jyl tolǵan Táýelsizdik tarıhyn hatqa túsirýshi, elge taratýshy ǵana emes, ózderińiz de osy uly istiń qatysýshysyzdar, – dedi Ánýarbek Muhtarhanov.
Jıyn sońynda partııa fılıalynyń jumysyn nasıhattap júrgen jýrnalısterdiń jumystary saralanyp, negizgi 4 baǵyt boıynsha, ıaǵnı «Úzdik telearna jýrnalısi, «Úzdik gazet jýrnalısi», «Úzdik radıo jýrnalısi», «Úzdik aqparattyq agenttik jýrnalısi» atalymynyń ıelerine «Altyn qaýyrsyn» tabystaldy. Sonymen qatar, partııa fılıalynyń jumysyn nasıhattaýda zor belsendilik tanytqandary úshin birqatar jýrnalıster arnaıy syılyqtarmen marapattaldy.
«Biz aqparat quraldarynda jergilikti máselelerdi kóterip jatsaq, onyń sheshilýine «nurotandyqtar» tikeleı qoldaý kórsetip, saılaýaldy partııalyq tuǵyrnamanyń júzege asýyna atsalysyp keledi. Osy oraıda, ortaq isimiz jemisti bolyp, elimiz kórkeıe bersin», – dedi Qazaq radıosynyń Shyǵys Qazaqstan oblysy boıynsha menshikti tilshisi Dáýlet Abylqasymov.
Dýman Anash.
Derek, foto: «Nur Otan» partııasynyń Shyǵys Qazaqstan oblysy fılıalynyń baspasóz qzmeti.