Jerorta teńizinde aı saıyn Eýropaǵa baǵyt alǵan 450 bosqyn sýǵa ketedi. Bul týraly Birikken Ulttar Uıymynyń bas hatshysy Pan Gı Mýn Grekııanyń Lesbos aralyna jasaǵan saparynda málimdedi.
«Álemde kún saıyn myńdaǵan otbasy óz úılerin tastap ketedi. Aı saıyn 450 adam Jerorta teńizinde qaza tabady», – dedi Pan Gı Mýn.
Ol Grekııanyń premer-mınıstri Aleksıs Sıpraspen kezdesip, memlekettiń bosqyndarǵa jasap jatqan kómegin aıryqsha atap ótti.
«Ekonomıkalyq qıyndyqtarǵa qaramastan Grekııa bıligi men halqy bas saýǵalap kelgenderge meıirimdilikterin kórsetip, qanshama adamnyń ómirin saqtap qaldy. Biz shekarany jabý týraly máselege toqtaý salýymyz kerek», – dedi Birikken Ulttar Uıymynyń bas hatshysy.
Halyqaralyq kóshi-qon uıymynyń málimeti boıynsha, 2015 jyldyń qańtarynan bastap bul el 1 mıllıonǵa jýyq mıgranttar men bosqyndardy qabyldaǵan.
Aıan Ábdýálı.
Derek: russian.rt.com.
Foto: ryb.ru.