Qazaqstannyń Japonııadaǵy Tótenshe jáne ókiletti elshisi Erlan Baýdarbek-Qojataev Hırosıma prefektýrasynyń gýbernatory Hıdehıko Iýzakımen jáne atalǵan qalanyń meri Kazýmı Masýımen kezdesti.
Taraptar Japonııa delegasııasynyń Semeı ıadrolyq synaq polıgonynyń jabylǵanyna 25 jyl tolýyna jáne Iаdrolyq synaqtarǵa qarsy halyqaralyq is-qımyl kúnine arnalǵan sharalarǵa qatysýy máselelerin talqylady.
Gýbernator H.Iýzakı Qazaqstan tarapynyń Hırosımada ótkizilip júrgen iri halyqaralyq sharalar jumysyna belsendi qatysyp kele jatqany úshin rızashylyǵyn bildirip, Qazaqstanmen qarýsyzdaný salasynda tyǵyz qarym-qatynastardy ári qaraı da damytýǵa degen oń nıeti bar ekenin málimdedi.
«Merler beıbitshilik úshin» halyqaralyq qozǵalysyna basshylyq jasaıtyn mer K.Masýı Qazaqstannyń jáne Prezıdent Nursultan Nazarbaevtyń jeke basynyń ıadrolyq qarýsyzdaný men taratpaý jolyndaǵy jetekshi róline joǵary baǵa berdi.
K.Masýı atap kórsetkendeı, Hırosıma Qazaqstannyń ıadrosyz álem qurý jónindegi jahandyq bastamasyn jaqsy biledi jáne oǵan úlken qurmetpen qaraıdy.
«Egemen-aqparat»