Ardan bezgenderdiń alaıaqtyǵy Gıppokrat antyna adaldyq tanytatyn aq halattylar arasynda da kezdesedi desek, sener me edińiz? Senýińizge týra keledi deı alamyz. Buǵan bultartpaıtyn derek retinde, Atyraýdaǵy perzenthananyń orta býyn qyzmetkeri ińgálap jaryq dúnıe esigin ashqan beıkúná náresteni saýdalaǵany dálel bola alady. Shyr etip ómirge kelgen shaqalaq pen onyń anasynyń ómirin saqtaýǵa qol ushyn sozady deıtin aq halattynyń adamgershilikke jat áreketi uıymdasqan qylmysqa qarsy kúres basqarmasynyń qyzmetkerlerimen biraz ýaqyt baqylaýǵa alynypty.
О́ıtkeni, perzenthana qyzmetkeri satylatyn bala úshin aldyn ala kelisilgen 5 000 AQSh dollarynyń teń jartysyn alyp qoıǵan. Al 2 500 AQSh dollaryn jańa týǵan sábıdi perzenthanadan shyǵararda alýǵa kelisken. Sol kezde nárestege anyqtama qosa berýdi kózdepti. Qý qulqynyn aqsha tesken medısına qyzmetkerin polıseıler ótken jeksenbide ustady.
– Kúdiktiniń Ortalyq Azııa elderiniń birinen kelip, osynda bosanǵan jas anany balasynan bas tartýǵa kóndirgeni anyqtaldy. Sábı satýshy ýaqytsha oqshaýlaý ornyna qamaýǵa alynyp, Qylmystyq kodekstiń 135-babymen sotqa deıingi tergep-tekserý bastaldy, – dep habarlady oblystyq ishki ister departamentiniń baspasóz hatshysy Gúlnázıra Muhtarova.
Joldasbek ShО́PEǴUL,
«Egemen Qazaqstan»
ATYRAÝ