[caption id="attachment_50593" align="aligncenter" width="560"] Foto: Mádenıet jáne sport mınıstrligi Shtattaǵy ulttyq komandalar jáne sport rezervi dıreksııasy[/caption]
Ońtústik Qazaqstan oblysynyń Saryaǵash aýdanynda dzıýdo kúresinen 2001 – 2002 jyldary týǵan jasóspirimder arasynda Qazaqstan chempıonaty ótti.
Oǵan 15 komanda qatysyp, 454 jas sportshy baq synasty.
Dzıýdo kúresinen memlekettik jattyqtyrýshysy Erjan Baıjumanovtyń aıtýynsha, osyndaı jarystardy úlken qalalarda emes, kerisinshe, osyndaı kishigirim aýdan-qalalarda, alys aımaqtardy ótkizgen durys. Demek, elimizdiń shalǵaıda jatqan aýyldyq jerlerinde dzıýdo kúresin osylaısha nasıhattasaq, odan kóp nárse utamyz. Birinshiden, sport buqaralyq sıpat alady. Ekinshiden, dzıýdo kúresine adam bala kezinen qyzyǵyp, salamatty ómir saltyn ustanýǵa den qoıady.
Chempıonatta Ońtústik Qazaqstan oblysynyń sportshylary qurmet tuǵyrynyń eń bıik satysyna kóterildi. Ekinshi oryndy Almaty oblysynyń, úshinshi oryndy Almaty qalasynyń komandasy ıelendi.
Chempıonatta jaqsy óner kórsetken sportshylar elimizdiń jasóspirimder quramasyna irikteledi. Sodan keıin olar 12 -13 qarasha kúnderi Slovenııanyń Gradek qalasynda ótetin halyqaralyq týrnırge qatysady.
Dastan KENJALIN