[caption id="attachment_50629" align="aligncenter" width="560"] Foto: inform.kz[/caption]
Qazaqstandyq boksshy 25 jastaǵy Janqosh Turarov kásibı rıngte 40 jastaǵy brazılııalyq Danıel Soýz Santospen kezdesip, basym tústi. Ol osymen 19 jekpe-jegin ótkizip, bárin de jeńispen aıaqtady.
Jekpe-jek AQSh-tyń Nıý-Djersı shtatynda ótti jáne boks keshindegi 10 aıqastyń biri boldy. Tóreshilerdiń biraýyzdy sheshimimen qazaqstandyq boksshy jeńimpaz atandy.
Aıta keteıik, Janqosh Turarov óz sporttyq jolynda osyǵan deıin 13 jekpe-jegin ýaqytynan buryn aıaqtaǵan.
Ol 1990 jyly 20 qarashada Jambyl oblysynda týǵan. Kásipqoı boksshy kóptegen halyqaralyq týrnırlerdiń jeńimpazy, 2009 jyldyń 6 aqpan kúni Almaty qalasynda kásipqoı bokstaǵy alǵash jekpe-jegin ótkizgen.
Jartylaı orta salmaq (66,7 kg) ProRecord: 19 kezdesý, 19 jeńis (KO 13), 0 jeńilis. NBA tujyrymy boıynsha álem chempıony.
Aıan ÁBDÝÁLI