Balalardyń bul bedeldi básekesi Qaraǵandyda ótedi
Kenshiler astanasynda balalarǵa arnalǵan Olımpıada oıyndary ótpekshi. Aty dardaı bul dodaǵa arnaıy irikteý synynan ótken 45 bala qatysady dep uıǵarylǵan. Sportqa beıimdi, daryndy balaqaılar kádimgi Olımpıada oıyndaryndaǵydaı sporttyń birneshe túrinen kúsh synaspaq.
Balalardyń jazǵy demalysyn uıymdastyrýshy oblystyq dene shynyqtyrý jáne sport basqarmasy men «Shahter» stadıony kezekti lager maýsymynyń jabylýyn osylaısha atap ótpek. Balalar arasyndaǵy olımp dodasyn ataqty sportshylar, Afıny Olımpıadasynyń qola júldegerleri, boksshy Serik Eleýov pen onsaıysshy Dmıtrıı Karpov tamashalaıtyn bolady.
Atalǵan aksııa sanaýly kúnderden keıin alaýy jaǵylatyn Rıo-de-Janeıro qalasyndaǵy (Brazılııa) Jazǵy Olımpıada oıyndarynyń qurmetine arnalǵan.
Qaırat ÁBILDINOV,
«Egemen Qazaqstan»
QARAǴANDY